Kringum Helgafell og Húsfell
um Breiðdal að sunnan

Gullfalleg og hörku krefjandi ganga um Breiðdal hinn fagra austan undir Undirhlíðum
og fallegan hring kringum Helgafell og Húsfell í Hafnarfirði í steikjandi sól og svölu veðri
og gullfallegu skyggni og fjallasýn...

--------------------------------------

Covid-19 veiran á uppsiglingu og 20 manna samkomubann og 2ja metra fjarlægðarmörk milli manna...
við vildum fara í einu og öllu eftir tilmælum yfirvalda og því var tekið með málband
til að við gætum öll áttað okkur á þessum tveimur metrum...

Þessir tveir metrar urðu að fjórum metrum og upp í meirra en tíu metra allan daginn... 
fámennt í göngunni svo það reyndi ekkert á þessa nálægð...

Sannarlega nýr bragur í göngunum við þessa 2ja metra reglu...
og frábær frammistaða allra í göngunni með hana...

Hins vegar kemur hún í veg fyrir nándina og samræðurnar milli manna...
það er erfiðara að ræða alvörumál með tvo metra á milli manna... sérstaklega þegar fleiri en tveir eru í samtalinu...
þetta er aðal ókosturinn við þessa reglu... en við virðum hana samt alla leið...

Veðrið þennan dag var yndislegt... víðáttan mikil... og náttúrufegurðin kom á óvart...

Frekar einföld leið... láglend þar sem við lögðum ekki í að tryggja 2ja metra regluna við fjallabrölt
og því völdum við þessa utanvegahlaupaleið úr smiðju Báru þjálfara
sem farið hefur hér skokkandi oftar en einu sinni rúmlega 20 km túra ein með hundinum...

Við gengum meðfram Háuhnúkum frá Vatnsskarði og svo undir Undirhlíðum... austan megin...
þannig að morgunsólin var með okkur allan tímann...

Ekki mikil hækkun á þessari gönguleið...
en hæsti punktur var norðan við Húsfellið og svo hér á þessum hálsi við Undirhlíðarnar...

Ofan af hálsinum blöstu fjöll dagsins við sem ætlunin var að hringa... Helgafellið hér og Húsfellið fjær...

Mögnuð sýn á fjöllin í Hafnarfirði...

Þessi ferski snjór... blái himinn... mikla víðátta... og skæra birta... skilar sér að hluta til allavega í ljósmyndina...
svo það er rétt hægt að ímynda sér hvers lags fegurð þetta var á staðnum...

Færið með besta móti... þessi vetur 2019 - 2020 er mjög harður... mörg slæm veður...
mikil snjóþyngsli... og frostið langvarandi... þannig að langt inn í apríl var vetrarlegt... enda sló hver vetrarmánuður einhvur met...
og hvergi merki um vor á þessum laugardegi...

Breiðdalur heitir dalurinn sem við fórum um til að komast að Helgafellinu að sunnan...
hann er ægifagur að sumri til... og greinilega líka að vetri...

Litið til baka að brekkunni...

Hópurinn þéttur hér....

Hjón mega standa nálægt hvort öðru... en ekki hinir... og því dreifðumst við ansi mikið um svæðið ef við áðum...
þó það væru þrenn hjón í göngunni...

Tjarnirnar sem eru á þessu svæði eru svo fallegar að sumri til... þær hurfu í þurrkinum í fyrrasumar...
en verða líklega til staðar þetta sumarið miðað við hvernig vorið byrjar harkalega þetta árið...

Það var svalt í veðri... frost... og köld gola... en sólin vermdi mikið þegar leið á daginn...

Himininn hefur leikið stórt hlutverk í vetur... og oft bjargað okkur alveg í fegurðarhleðslu...

Litið til baka yfir leiðina sem var að baki meðfram undirhlíðum og Háuhnúkum...
fjærst er Vatnshlíðarhorn sunnan við Vatnsskarð...

Farin að nálgast Helgafell í Hafnarfirði...

Gaman að fá aðra sýn á fjallið og aðra aðkomu...

Hér höfum við gengið að sumri til á þriðjudegi... og það var blússandi fögur ganga...

Svolítið öðruvísi... hér vestan við ásinn við fellið... þriðjudaginn 22. apríl árið 2014 um Undirhlíðar...

Núna vorum við austan megin við ásinn... enda ætlunin að fara kringum Helgafellið...

Þríhnúkar, Grindarskörðin, Bollarnir, Langahlíð, Vatnshlíðarhorn út af mynd...

Þessi kafli að Helgafellinu er mjög fallegur að sumri til í mosa og hrauni...

Sjá gjóturnar sem voru fullar af snjó...

Samspil mosans og hraunsins er magnaður þarna...

Fáir á fjallinu enda ennþá snemma dags... það átti eftir að breytast á leiðinni til baka...

Stundum uppgötvuðum við að við vorum að þvera læki, polla eða tjarnir... þegar eitthvað pompaði undan okkur...
en það slapp allt enda vel frosið og þykkt lag af ís yfir öllu...

Þessi kafli meðfram Helgafellinu er fallegur... minnir á kaflann meðfram Skriðu á leið á Klukkutinda...

Valahnúkar framundan... enginn á ferli ennþá...

Jú... tveir fjallahjólamenn... að njóta eins og við...

... og svo voru stöku göngumenn að stjái hér við skarðið milli Valahnúka og Helgafells...

Við þveruðum Valahnúkana...

... upp að Þríhnúkunum sem þá skreyta svo fallega...

Litið til baka með Helgafellið hér í baksýn.. sjá slóðina upp öxlina....

Hér var ætlunin að taka hópmynd... en við fórum fyrst í nesti og gleymdum því svo...
en það var í lagi því sólin skein akkúrat ekki á þessum mínútum...

Hér var tekin nestispása... eftir 8 km göngu takk fyrir... þetta var alvöru túr !

Batman í bandi... út af Covid-19...
en annars ætla þjálfarar ekki að hafa hann í bandi hér með í nestistímunum vegna fjölda áskorana...

Enginn nálægt hvor öðrum... nema hjónin... sem voru þrjú í þessari ferð...

Húsfellið hér framundan... og sólin að mæta aftur á svæðið...

Við vorum það austarlega að hættan á að lenda í mjög djúpum gjótum sem eru á þessu svæði var ekki til staðar...

Ennþá var færið gott en það hitnaði aldrei svo þennan dag að það skemmdi hart færið...

Fyrsta hópmyndin þennan dag... með Húsfellið í baksýn... ágæt svo sem en það var önnur betri tekin síðar...

Nú skein sólin og það var svo hlýtt og gott á þessum kafla...

Litið til baka með Valahnúka og Helgafellið í baksýn...

Handan við hornið á Húsfelli...

Smá pása... áning og þétting...

Kaflinn kringum Húsfellið er magnaður... þegar kvenþjálfarinn hljóp þetta á sínum tíma þá var hún alveg heilluð...

Nú var snjór yfir öllu en allt svo fallegt engu að síður...

Hér var hæsti punktur ferðarinnar... 209 m hæð...

Hér þéttuðum við... og tókum hópmynd með fjallið í baksýn...

Vilhjálmur, Jóhanna Diðriks., Kolbeinn, Elísa, Batman, Ólafur Vignir, Sigrún E., Bjarni og Örn
en Bára tók mynd.... já, það var eins og Batman skildi að það ætti að vera tveir metrar á milli allra
svo hann stillti sér upp á auða kaflanum á milli manna :-)

Hér er mjög fallegt... hér hefur hraunið runnið alla leið að fellinu... og stöðvast... ekki komist lengra...
hrúgast upp og kramist... hér eru djúpar sprungur í hrauninu þegar farið er um að sumri til...

Víðáttan... birtan... litirnir... voru heilandi þennan dag... eins og svo oft áður í vetur...

Já... tveggja metra tókst mun betur en við áttum von á...

Helgafellið komið í ljós hinum megin við Húsfellið...

Hér giskuðu Örn og Bjarni á tvo metra á milli manna... strikuðu í snjóinn og svo var mælt...
og niðurstaðan var rúmir þrír metrar...
þannig að tilfinningin fyrir fjarlægð milli manna var nokkuð rúm og okkur hagstæð allavega hvað varðar smitunarhættu...

Valahnúkarnir líka komnir í ljós þarna hægra megin...

Á þessum kafla er ráðlegast að fara niður á hefðbundna leið milli fellanna...
gjótur og sprungur eru á víð og dreif annars á milli og ekki greiðfært gegnum úfið hraunið þó fallegt sé...
en við vildum fara greitt yfir... og því fórum við niður á leiðina milli fella...

Þar voru samt nokkrar sprungur þar sem pompað var niður í gegnum snjóinn...

Hér hittum við aðra göngumenn... fleiri komnir á stjá...
nokkrar konur á leið á Húsfellið en þær voru minna að spá í 2ja metra regluna í sinni göngu....
þó hún sé góð á þessari mynd samt :-)

Steini úr Fjallagörpum og gyðjum og vinur hans virtu hins vegar augljóslega 2ja metra regluna
og héldu sig allan tímann vel frá hvor öðrum...

Við héldum áfram að Valahnúkum...

Hópurinn þéttur...

Steikjandi hiti og dásamlegt veður... við sneiddum framhjá austasta Valahnúknum...

Mjög fallegur kafli og ekki ósvipaður norðausturhorni Húsfells...

Við spáðum heilmikið í leiðarvali um sjö tinda Hafnarfjarðar sem var á dagskrá í janúar
sem rösk löng aukaganga en hefur ekki komist að fyrir veðri og færð ennþá....
og komumst að því að Húsfellið er vel hægt að þvera yfir
eins og Vilhjálmur og Jóhanna Diðriks gátu borið vitni um þegar við vorum hinum megin við það...

Helgafellið að koma í ljós handan við Valahnúka... hér er svo fallegt að sumri líka...

Það var kraðak af fólki uppi á Helgafellinu... við vorum sannarlega í betri málum...

Röðin á göngufólkinu var eins og á Everest... maður á eftir manni... í röðum upp og niður tindinn...
erfitt að halda 2ja metra reglunni við þessar aðstæður...
eins og á öðrum vinsælustu fjöllunum við höfuðborgina á þessum Covid-19 tímum vorið 2020....

Við vorum hins vegar ein í heiminum á okkar leið allan daginn
fyrir utan fyrrnefndu konurnar og Steina milli Húsfells og Valahnúka...

Jú... það var smá vor í lofti...

Komin að hraungatinu við Helgafellið að suðaustan...

Sjá það hér efst vinstra megin... fallegt fyrirbæri... hér ákváðum við að taka aðra nestispásu...

... með smá hópmynd á undan... meiri snillingarnir !

Hér var smá sumarfílíngur... sól og hiti og ilmandi mosi og lyng...

Full af nýrri orku tókumst við á við síðasta kafla leiðarinnar... þetta var skínandi góð Laugavegsæfing...
langt... rösklega farið... einhæft á köflum... láglent... andlega krefjandi en um leið mjög gefandi...

Helgafellið að baki... takk fyrir okkur...

Gleði og spjall og pælingar og þakklæti og vinátta og heimspeki og hlátur og bros og núvitund og ark og orka og heilun og hleðsla og...

Undirhlíðar og Háuhnúkar framundan og Breiðdalurinn austan þeirra...

Þessi fallegi dalur.... Helgafellið og Húsfellið að baki í fjarska...
þessi nafnlausa stríta nær má nú fá nafn fannst okkur... getur verið að hún heiti "Stakur" ? ... spurning...

Gnótt af heilun og orku í þessari ferð...

Lönguhlíðar hér í baksýn og Vatnshlíðarhorn lengst til hægri... við eigum alltaf Lönguhlíðar eftir...
verðum að koma þeim á kort Toppfara einn daginn...

Hver á sínum hraða síðustu kílómetrana... og rúmlega 10 metrar á milli manna þegar síðast var...

Langur kafli og krefjandi en um leið svo gott að strauja hann bara...

Hér verðum við að koma að sumri til og kynnast þessari leið í brúnu. grænu og bláu fötunum...

Alls 24,1 km á 6:43 klst. upp í 209 m hæst úr 158 m en lægst var farið í 117 m hæð....

Gps-tækin ekki öll sammála eins og áður... þjálfarar fóru milliveginn eins og áður...

Enginn að gleyma 2ja metra reglunni þó við værum komin í bílana...

Það hversu vel tókst til með að halda þessari fjarlægð fékk þjálfara
til að ákveða að halda bæði úti þriðjudagsæfingunum og tindferðunum
þó með breyttu sniði væri að einhverju leyti...
frekar en að fella niður göngur út af 20 manna hámarki og 2ja metra reglunni...
það væri þess virði að detta ekki út og missa niður færnina og formið...
nóg væri nú samt sem dytti út og stöðvaðist í þessu Covid-19-fári...

En vá hvað við vorum þreytt... þessi ganga sat vel í okkur.... enda farið svakalega geyst langa vegalengd...
heilmikil æfing og þjálfun í því... við vorum alsæl og þakklát... með mikla hleðslu á birtu, fegurð og hreyfingu...
takk fyrir okkur elskurnar... fyrir að drífa ykkur út og njóta þessa dags...

Meðalhraðinn var 3,6 km / klst. sem er mjög rösk yfirferð og því frábær æfing fyrir

 #Bætumfjallgönguþolið og ekki síst fyrir #Laugaveginnáeinumdegi !

Sjá myndband um ferðina hér á youtube:
https://www.youtube.com/watch?v=MnXydw6KyYs&t=17s

Sjá slóðina á Wikiloc:
https://www.wikiloc.com/mountaineering-trails/kringum-helgafell-og-husfell-i-hf-um-breiddal-ad-sunnan-verdu-280320-48197693