Allar þriðjudagsæfingar frá apríl út júní 2017
í öfugri tímaröð:

Vífilsstaðahlíð og nágrenni 27. júní.
Mont Blanc ferðin var 19. - 26. júní.
Skjaldbreiður 13. júní.
Kajakferðin 6. júní féll aftur niður á staðnum vegna veðurs.
Laugagnípa og Kerhólakambur 30. maí.
Kajakferðin 23. maí féll niður á staðnum vegna veðurs og farið í heita pottinn og humar í staðinn.
Glymur og Hvalfell 10 ára afmælisþriðjudagsganga 16. maí.
Tíu fjöll á tíu dögum frá 5. til 14. maí.
Arnarfell Þingvöllum 9. maí.
Húsfell 2. maí
Hjólað í Búrfellsgjá 25. apríl.
Stóra Reykjafell 18. apríl.
Fimm fjalla páska áskorun 11. - 18. apríl.
Geirmundartindur um Pytta með Inga - þjálfarar uppteknir - 11. apríl.
Mófell og Ok undir Skessuhorni 4. apríl.

Skjaldbreiður
á fallegu kveldi í í snjó og þoku

Síðasta þriðjudagsganga þjálfara... fyrir stóru Mont Blanc ferðina þar sem 7 Toppfarar freista þess að sigra hæsta tind Mont Blanc og 14 Toppfarar ganga í kringum fjallið í Frakklandi, Ítalíu og Sviss... var þriðjudaginn 13. júní...


 Einhverra hluta vegna duttu fyrstu myndir göngunnar út úr símanum... og því byrjar ferðasagan hér þegar litið er til baka á uppleið komin í snjóinn... rigningarmyndunum hlýtur bara að hafa bókstaflega rignt niður :-)

Mjög vel gekk að keyra upp eftir um Skjaldbreiðarveg, skraufþurr og rúllandi sumarfæri... svo upplýsingar frá Vegagerðinni um illfæri á þessari leið voru með öllu óskiljanlegar nema ef vera skyldi að vegurinn sé illfær vegna bleytu innar við Hlöðufell ? en allavega gat færið hreinlega ekki verið sumarlegra enda fréttist af fólki keyrandi þennan veg vikuna á undan og þá upp snjólínu á á Skjaldbreið líka... sem við enduðum á að gera líka... keyrðum vel upp eftir slóðanum á fjallinu sjálfu einnig en þó ekki alveg allan slóðann nema skíðamennirnir sem vildu komast í snjó og þeir sem vildu forvitnast upp leiðina...


Mynd frá Steingrími á fb

Jóhann Ísfeld og Steingrímur fóru á fjallaskíðunum upp og niður... og voru ekki lengi :-)

Fínt veður þegar við keyrðum upp eftir...
en svo fór að rigna þegar við fórum út úr bílunum og það rigndi fyrsta hálftímann og einhverjir fóru í utanyfirfötin sín...
... en svo var þurrt eftir það og vel stuttbuxnafært það sem eftir var eins og sjá má hjá meistara Hjölla...

Þoka því miður uppi á gígbarminum en lygnt og hlýtt miðað við rúmlega 1.000 m hæð...

Við fengum okkur nesti horfandi niður í gíginn þegar hann sást... annars út í þokuna sem umlukti magnað útsýnið sem gefst á þessu fjalli... og þjálfarar kokkuðu óbyggðahlaup upp á Skjaldbreið í framtíðinni... já, vá, "verður gaman að skokka þarna upp og allan gíginn og niður hinum megin og kringum fjallið til baka"... ekki spurning að gera þetta að sumri til !

Það er einstakt fólk í klúbbnum... ekkert nema englar... manni hlýnar hreinlega um hjartarætur við að horfa á þessa mynd...

Jóhann Ísfeld í hvarfi lengra að sýsla með fjallaskíðin sín... Steingrímur, Aðalheiður, Njáll. Katrín Kj., Arna, Hjölli, Guðmundur Jón, Ólafur Vignir, Olgeir, Gunnar, Súsanna, Davíð, Heiðrún, Örn, Herdís, Þóranna, Karen Rut, María E., Ingi, Erna
og fremst Arngrímur og Kolbrún Ýr en Bára tók mynd og Batman, Bónó og Moli skoppuðu með :-)

Þar af var Olgeir að koma aftur í hópinn eftir hlé, frábært að fá hann aftur !... Arngrímur, Herdís og Þóranna að koma í sína þriðju göngu með hópnum... og Davíð að mæta í sína fyrstu göngu með hópnum en hann skráði sig fyrir þessa göngu í klúbbinn
svo það hafa nokkrir frábærir nýliðar bæst í hópinn í vor :-)

Mann kólnar við að stoppa og borða nesti... og því læddist sú hugsun að hvort við ættum nokkuð að þræða okkur um gígbarminn úr því það var ekki skyggni... og þjálfari gerði þau mistök að bera þetta undir hópinn frekar en að gefa hreinlega ekkert færi á því að sleppa gígbarminum því hópurinn sem fór hann var eldsnöggt að þessu brölti á meðan hin sneru niður eftir nestið...

Niðurgangan er draumur einn ofan af Skjaldbreið... bara hægt að rúlla í snjónum og svo mosanum og grjótinu og mölinni..
hvergi hindranir og flækjustigið í lágmarki...

Mont Blanc Hringfararnir Ólafur, Katrín, Guðmundur Jón og Heiðrún...
þau fara ásamt 10 öðrum eina fegurstu gönguleið í heimi kringum Mont Blanc í næstu viku....
vonandi í sól og blíðu allan tímann...

http://www.nationalgeographic.com/adventure/lists/hiking-backpacking/worlds-best-hikes-dream-trails/

Dulúðin alltumlykjandi þegar gengið var úr þokuni í skyggni...

... úr snjónum í mosann og grjótið og mölina...

Svo opnaðist fyrir fjallasýnina... og við spáðum í Þórisjökul sem við þurfum að fara að endurtaka göngu á í skyggni... og bæta Stóra og Litla Björnsfelli við safnið... já, gott að hafa ennþá fullt af fjöllum ógengin framundan :-)

Hópmynd af gígbarmsgenginu úr því það koma skyggni :-)

Heiðrún, Davíð, Guðmundur Jón, Katrín Kj., Ingi, Herdís, Þóranna, Örn, Olgeir, Ólafur Vignir, Karen Rut og Bára tók mynd.

Sól skein í heiði í fjarska... veið hefðum átt að vera þarna hinum megin ! :-)

... nei, nei, þetta var fínasta ganga upp á þetta flata fjall
sem fangar alltaf athyglina hvar sem það sést sakir formfegurðar sinnar...

Nýlliðarnir eru alveg með gleðina á hreinu... mikill fengur að fá þetta fólk í klúbbinn sem kann að njóta alla leið ! :-)

Alls 8,4 km á 3:10 klst. upp í 1.075 m hæð með alls hækkun upp á 518 m miðað við 598 m upphafshæð.

Þjálfarar fara nú í sumarfrí í fjórar vikur en byrja samt á Mont Blanc...

Dagskráin næstu fjóra þriðjudaga í sumarfríi þjálfara:

Þri 20/6: Keilir í umsjón ? - þið talið ykkur saman sem farið.
Þri 27/6: Vífilsstaðavatn og nágrenni 7-9 km með Hjölla.
Þri 4/7: Eilífsdalur - krefjandi með Hjölla - sjá viðburð.
Þri 11/7: Húsfell njóta og nestisþema - sjá viðburð.

Aðalheiður hefur svo boðist til að vera með göngu á Snæfellsjökul á þessum tíma þegar gott veður gefst
og það er þá dagsganga frá morgni fram að kveldi :-)

Þjálfarar snúa svo aftur til leiks þri 17/7 og fara eina fallegustu kvöldgöngu sem gefst á suðvesturhorni landsins á Tjarnarhnúk, Lakahnúk og Hrómundartind og til baka um Katlagil sem þýðir um 5 klst. kvöldgöngu um hásumar þegar tíminn er til að njóta sama hvað klukkan er :-)

Takk elsku Aðalheiður, Jóhanna Fríða og Hjölli fyrir að bjóða fram krafta ykkar,
hlökkum til að fá fréttir og sjá myndir :-)

Hafið það öll sem allra best elskurnar, njótum sumarsins
og sjáumst á flugvellinum á mánudaginn eða í júlí !
 

 

Esju - uppáhald þjálfara
 Kerhólakambur og Laugagnípa

Loksins var komið að krefjandi þriðjudagsæfingu þann 30. maí eftir kajakferð vikuna á undan
sem endaði á eingöngu heitum potti og humar á Stokkseyri...

Gengið var hefðbundna leið upp á Kerhólakamb og svo var ætlunin að þræða brúnir Laugagnípu á leið niður...
þessi snigill var í í allt öðrum pælingum en hópurinn...

Tveir nýliðar  mættu í þessa göngu..
þær Herdís og Þóranna og smellpössuðu í hópinn með gleði sinni og jákvæðni...
að ekkis é talað um hversu góðu formi þær eru því ekki voru þær í vandræðum með þessa erfiðu kvöldgöngu...

Veðrið fallegt og friðsælt eftir rysjótt veður síðustu vikurnar...

Smá snjóskaflar ennþá utan í efstu brekkunni á Kerhólakambi... þeir fara ótrúlega seint á sumrin...

Þá var og gestur í þessari göngu.. hann Davíð úr Veseni og Vergangi...

Þessi ganga á eiginlega frekar að vera dagsganga og þá með viðkomu til dæmis á Þverfellshorni og til baka hinum megin dalsins
en það er gamað að komast að þvþí að maður getur alveg skottast upp í tæplega 1000 m hæð á þriðjudagskveldi
eins og við höfum svo oft gert... og nauðsynlegt þegar verið er að æfa fyrir erfiðar göngur...

Kerhólakambur í 861 m hæð, fínasta skyggni og útsýni sem er ekki sjálfgefið...

Frár Kerhólakambi var haldið yfir á brúnir Laugagnópu ef það er réttnefni á þessum vesturbrúnum Esjunnar
sem eru í uppáhaldi hjá þjálfurum...

Ægifagrar brúnir og heill töfraheimur út af fyrir sig... synd að Báran var ekki með til að taka fleiri myndir.. það er varla hægt að standa í myndatökum þegar maður leiðir svona göngu þar sem fararstjórinn er stöðugt að huga að leiðarvali og hafa yfirsýn yfir hópnum... en það náðust nokkrar góðar samt... sem engan veginn lýsa samt ftórfengleikanum þarna... hann upplifist eingöngu að staðnum...

Kerhólakambur hér í baksýn...

Þverfallshornið og Kistufellið hér fjærst...

Hér lifir fuglinn í hömrunum og þyturinn heyrðist... sem og kvakið...

Ansi bratt og hengiflugið algert en fallegt var það...

Flottur hópur þetta kvöld...

Maggi, Ingi, Gunnar, Guðmundur Jón, Ólafur Vignir, Rósa, maría, Davíð, Herdís.
Jóhanna Fríða, Þóranna, Karen Rut, Katrín Kj. og Björn Matt en Örn tók mynd með hafið blátt í baksýn...

Þessi útúrdúr er krefjandi sökum bratta og klöngurs er vel þess virði...

... og nauðsynlegt að halda sig á brúnunum eins langt og maður getur leyft sér...

... til að njóta dýrðarinnar...

Svo tekur við bratt klöngur niður í dalinn aftur og er þessi kafli ekki greiðfær...

Komin niður í spriklandi sumarið sem er svo dásamlegt að upplifa alltaf vakna á þessum tíma...

Sjá kaflann frá klettabeltinu af brúnunum...

Farið var nýja leið til baka um klettana neðst... þar sem kaðall var til stuðnings og gekk það vel en
Maggi tók einn kollhnís þegar hann var að stökkva niður og var heppinn að slasa sig ekki...

Fín leið og ekki spurning að fara hana hér með næst þegar við förum hér um...

Alls 7,8 km á 4:04 klst. upp í 861 m hæð með alls hækkun upp á 858 m miðað við 60 m upphafshæð.

Flott kvöldganga eins og þær gerast bestar á þessum árstíma þegar hægt er að leyfa sér langar og strembnar göngur
af því þó stefninn sé styttri fyrir vikið þá er birtan að hjálpa manni að lifa það af... þar til þreytan læðist inn þegar líður á miðvikudaginn.. en það er allt í lagi... maður er þá ennþá í vímu eftir svona göngu og fer sáttur snemma að sofa á miðvikudagskvöldinu í staðinn :-)
 

 

10 ára afmælisganga
Glymur og Hvalfell
með tíu ára blöðrur
Toppfarafreyðivín
ræðuhöldum
blómum
 gleði
... en fyrst og fremst þakklæti ...

Takk elsku Toppfarar og gestir sem fögnuðu 10 ára afmælisári Toppfara á Glym og Hvalfelli
í sól og blíðu og mjög fallegri göngu þó löng og krefjandi hafi verið alla leið á Hvalfellið

Alls heiðruðu okkur 52 manns og nokkrir tryggir hundar, virkir og gamlir Toppfarar, Jón Gauti Jónsson fyrrum leiðsögumaður Toppfara frá fyrstu árum hans en hann er forsprakki gönguhópsins "Útiverur"
og nokkrir félagar hans sem og nokkrir félagar úr Vesen og Vergangi, Íslenskum fjallaleiðsögumönnum,
sjálfstæðir göngumenn og síðast en ekki síst hlauparar í skokkhópi Fjölnis Grafarvogi
Það var heiður að fá svona marga gesti og framar öllum vonum

Gengið var með 10 ára blöðrur á bakpokunum, skálað í Toppfara-freyðivíni og -kóki ofan við Glym ásamt smá konfekti og þjálfarar heiðruðu þá Toppfara sem náðu að ganga á tíu fjöll á tíu dögum í tilefni af 10 ára afmælinu.
Þá fengu þjálfarar blómvönd og fallega kveðju frá hópnum sem gladdi okkur mikið

Eftir langa ræðu frá þjálfara í upphafi göngu... sem var því miður ekki undirbúin nema rétt í bílnum á leiðinni...
sem olli því að Bára gleymdi að segja það sem er efst í huga okkar öllum stundum þegar litið er yfir farinn veg...
 sem er það hversu vænt okkur þykir um Toppfara og hversu þakklát við erum þeim öllum fyrir að ganga með okkur öll þessi ár
og vera alltaf til í allt... fyrir að hvetja okkur áfram, styðja og aðstoða öllum stundum...
án ykkar væri þessi klúbbur ekki til...

Hér hefðum við átt að raða öllum upp... æj, einhvern veginn hélt maður að þetta ætti að vera óformleg hópmynd þar sem ætlunin var svo síðar að taka eina góða með fossinn í baksýn ofar... en leiðin breyttist og endaði á engum mjög góðum hópmyndarstað svo þessi mynd hefði verið sú besta í göngunni ef við hefðum hundskast til að raða okkur upp í tvær raðir ! :-)
... en... það kemur hópmynd eftir þessa :-)

Farið var hefðbundna leið um göngustíginn og niður um hellinn að ánni...
staurinn á sínum stað svo það áhyggjuefni sumra var þá úr sögunni...

Óskaplega falleg leið sem maður getur farið á hverju ári og alltaf tekið andann á lofti yfir fegurðinni...

Slaufa mætti að sjálfsögðu ásamt Batman, Mola og Bónó en þau eru ötulustu hundar Toppfara þetta misserið...

En, nei, okkur var ekki ætlað að komast yfir ánna... flæddi hressilega yfir grjótið að staurnum og vonlaust fyrir svona stóran hóp að komast klakklaust yfir á þurrum fótum svo áfráði var að halda áfram vestan megin upp sem var miður því þó sú leiðs é fögur þá er austurleiðin langtum fegurri hvað sjónarhorn á fossinn varðar og marga áhrifamikla útsýnisstaði á leiðinni upp með gljúfrinu...

Sjá hvernig færið er vanalega á grjótinu að stóra steininum og svo á staurnum yfir...
langtum meira magn var í ánni þetta kvöld en hér árið 2012...

Þeir sem voru að fara þarna í fyrsta sinn voru ansi margir þetta kvöld.. svo endilega komið bara með að ári... en þá ætlum við að passa okkur að fara í lok maí eða byrjun júní... þegar birkið er komið lengra á veg og sumarið alveg búið að taka völdin í botninum... þar með komin ein af mörgum lexíum þessarar göngu.. þjálfarar safna nefnilega alltaf lexíum eftir hverja Toppfaragöngu til að læra af reynslunni og gera betur næst...
lexían hér að vera seinna á ferðinni á þessum fögru slóðum því þær skarta sínu fegursta
með gróðurinn kominn lengra á veg... þó alltaf sé fallegt að vera hérna...

Þetta var sérstök stemning... ekki það sem við erum vön í klúbbnum...
löng röð af göngufólki og engin leið að tala öll saman eða vita nákvæmlega nöfnin á öllum á staðnum...
verandi í persónulegum fjallgönguklúbbi þá var þetta ný upplifun fyrir þau okkar sem eingöngu eru slíku vön...

...en gleðin leyndi sér ekki og það var mjög gaman að kynnast og spjalla við allt þetta jákvæða fólk
því nákvæmlega þessi jákvæðni og lífsgleði einkennir þá sem ögra sér og mæta í göngu með bláókunnugu fólki
frekar en að taka bara sína venjulegu æfingu...

... jákvæðnin kemur mönnum nefnilega ansi langt upp á fjall ein og sér...

Ofar eykst útsýnið að Glymsgljúfri en maður nær aldrei að sjá fossinn falla niður í gljúfrið vestan megin
heldur eingöngu sést í efsta hlutann almennilega...

... eins og hér í fyrstu göngu Toppfara að Glym 27. maí 2008...
þar sem sést vel hvernig gróðurinn er kominn lengra á veg en um miðjan maí...
það munar um ellefu daga :-)

Og enn betur sést þetta hér ofar í gljúfrinu  í annarri göngu Toppfara upp með Glym 9. júní 2009 í dumbungsveðri...

Hér var skásti útsýnisstaðurinn sem þó kemst ekki í líkingu við sýnina austan megin...

En fagur er hann engu að síður og tignarlegt að vera þarna á þessum stað...

Magnþrunginn áþreifanleiki og hljóðið í ritunni í bjarginu sérstakt...

Fegurðin þetta kvöld var dásamleg og við drukkum hana blíðlega í okkur
og nutum þess að vera á þessum stað á þessari stundu...

Bára vildi ná hópmynd með gljúfrinu eða fossinum í baksýn... en er ekki vön að taka hópmynd af svona mörgu fólki
og endaði á að velja stað þar sem margir gætu staðið og samt væri hægt að ná fossinum... 
en ekki varð nú afraksturinn nægilega góður...

Falleg mynd jú... en það sést ekki almennilega hverjir þetta eru sem mættu...
grátlegt að hafa ekki tekið mynd af hópnum nær ofar eða á öðrum stað í göngunni...
svo enn ein lexían í þessari göngu er sú að þegar mjög stór hópur er á ferð
þá þarf hópmyndin alltaf að vera nálæg og lítið hægt að spá í landslaginu í baksýn...

Hvílíkt dásemdarveður... það var ekki annað hægt en vera fullur þakklætis til veðurguðanna
og allra sem mættu og skreyttu þessa göngu svona fallega með nærveru sinni... brosi... vinsemd...
og skínandi gleðinni sem stafaði frá öllum...

Þessi sýn á fossinn er einstök vestan megin...
og enn ofar er magnað að sjá þegar fossinn byrjar að falla fram af... þetta hefur vesturleiðin umfram austurleiðina og því er nauðsynlegt að fara báðar leiðir og njóta... best að fara upp austan megin... vaða ánna og niður vestan megin... þetta gerðum við einu sinni sem fjölskyldugöngu 7. júlí 2012 og heppnaðist sérlega vel... sjá mynd frá árinu 2012:

Krökkunum þótti mikið ævintýri að vaða þó erfitt hafi verið í köldu vatninu...
og drógu sum foreldrana með sér í æskugleðinni yfir ævintýrinu...

Maí er dásamlegur tími til að upplifa náttúruna vakna og sjá snjóinn víkja fyrir sumarhitanum...
og þess vegna förum við gjarnan á þessar slóðir á þeim tíma því verksummerkin eru svo sjáanleg...

Sjá Leggjabrjót í baksýn en 18 Toppfarar fóru hann hlaupandi og gangandi síðustu helgi
og voru fyrstu menn 2:44 klst. og þeir síðustu 4:14 klst. sem kom okkur öllum á óvart því ætlunin var bara að njóta hjá gönguhlutanum en svo hljóp forvitnin (yfir að vita hversu rösklega menn gætu farið þetta) með menn í gönur
og dagurinn endaði í einni sæluvímu allra yfir því að koma sjálfum sér svona skemmtilega á óvart með frábærri frammistöðu :-)
... en Leggjabrjótur var fyrsta formlega gönguleiðin sem við förum hlaupandi af mörgum sem eru í bígerð næstu árin eins og Síldarmannagötur, Selvogsleið, Hellismannaleið, Fimmvörðuháls...

Já, brúnirnar þar sem Glymur byrjar að falla er magnaður staður til að vera á... við höfum farið þarna niður og út á grjótið...
það er mjög áhrifamikill staður og kraftur gljúfursins mjög áþreifanlegur...

Einu sinni komum við ofan frá að fossinum... gengum þá upp með Svörtugjá vesta í Botni sem er snarbrött brölt

...en gjáin sú er eins og míní-útgáfa af Glymsgljúfri... veðum að koma hingað aftur síðar...

Það var kominn tími á nesti... uppi á tindinum eða efst á áfangastað er okkar siður á þriðjudögum...
oft verið kvartað undan því þar sem þar er gjarnan vindasamast...
en menn taka samt ekki annað í mál en að borða fyrst þá...
vilja ekki slaka á fyrr en áfanga er náð og haldið niður með fullan maga...

Í nestispásunni í mjúkum, hlýjum mosanum buðu þjálfarar upp á sérmerkt Toppfarafreyðivín og Toppfarakók í staupi... en því miður þá týndist hluti af staupglösunum svo Útiverurnar og einhverjir fleiri fengu ekki að smakka... við vorum mjög leið yfir þessu.. Örn fann svo heilan poka með staupglösum í buxnavasanum á leiðinni upp Hvalfellið...
svo þar kom skýringin á því hvar í ósköpunum staupin voru...

Jón Gauti Jónssin fjallaleiðsögumaður til áratuga... og annar af fyrstu leiðsögumönnunum okkar á upphafsárum klúbbsins...
hélt fallega ræðu til hópsins og þjálfara og okkur þykir mjög vænt um þau orð sem han lét falla þar...
hjartansþakkir Jón Gauti fyrir allt sem þú hefur kennt okkur og fyrir allan þinn vinarhug öllum stundum :-)

Ingi og Jón Gauti kláruðu freyðivínið áður en lagt var af stað aftur... 
en þeir sem ekki ætluðu á Hvalfellið nutu leiðsagnar Jóns Gauta til baka um heiðina í bílana
á meðan helmingur hópsins hélt áfram upp á Hvalfellið...
og kunnum við honum miklar þakkir fyrir en hann var á leið í 5 daga bakpokaferðalag snemma næsta morgun
og hefði í raun átt að vera heima þetta kvöld að undirbúa sig og hvílast...

Hvalfellsfararnir héldu ótrauðir áfram... fjallið lokkaði hreint og skært fyrir ofan okkur og nokkrir að sigra það í fyrsta sinn...
svo þó við hefðum verið tiltölulega lengi upp eftir með alls kyns töfum í ræðuhaldi og drykkkjarstússi...
þá var sólin enn ágætlega hátt á lofti og veðrið glimrandi gott svo það var ekkert hik á mönnum með það...

Flestir með vaðskó en ekki allir og þá var bara að láta sig hafa það á táslunum...

... sem var ekki þægilegt meðan á því stóð en enginn særðist eða lenti í vandræðum sökum þessa...

Lexían hér að muna eftir að taka með vaðskó þegar þjálfari mælir með því :-)
... og kannski að vera alltaf með sokkapar í bakpokanum sem hægt er að grípa í ef óvænt þarf að vaða
því það er ólíkt skárra að vaða í sokkum en berfættur...
nú eða vera alltaf með plásslitla vaðskó í pokanum eins og sumir gera... :-)

Allt var þetta nú ljómandi skemmtilegt þrátt fyrir þjáningar og kulda
enda skellihlógu menn sig bara í gegnum þetta :-)

... og lögðu í þéttar brekkurnar með vel viðraða fætur og tandurhreina Botnsár-orku :-)

Þarna gengum við einu sinni meðfram ánni... upp með Glym og áfram eftir ánni allri að Hvalvatni...
kringum Hvalvatnið, upp á Skinnhúfuhöfða og meðfram vatninu hinum megin að Hvalskarði...

... og stóðumst ekki freistinguna að ganga á Hvalfellið úr því við stóðum svona nálægt því...

... í töfrandi flottu veðri og brakandi vetrarfæri... alveg ógleymanleg ferð...

En... aftur til ársins 2017... frá ánni beið okkar ekkert nema þéttar grjótbrekkurnar...

... með dúnmúkum mosa til að byrja með og sólin enn ágætlega hátt á lofti...
við vorum hífuð af útsýninu sem býðst manni eftir því sem ofar dregur á fjalli...

... og nutum þess að búa í landi þar sem sólin sest varla að hásumri... hvílík forréttindi !

Talsverður snjór í fjallinu ennþá og meiri en í fyrri ferðum en hornið orðið snjólaust engu að síður
og gott að hafa skaflinn... einu sinni var enginn skafl og við vorum svekk að hafa hann ekki...

Þessi sýn niður í Botnsdal ofan af Hvalfelli er ein sú glæsilegasta sem gefst á fjalli kringum höfuðborgina...

Svo fór að draga fyrir sólu...

... og í stað þess að fá gullið sólarlag í fangið uppi á Hvalfelli þá varð skýjað síðasta k
... úrkomulaust og "skyggni ágætt" :-)

Já, grjóthornið góða rífur í en þarna er slóðinn orðinn ansi góður með árunum frá því við fórum hérna fyrst...

Himininn ægifagur þrátt fyrir sólargeislaleysið í okkar átt...

Uppi voru stöku snjóskaflar en áfram sama góða veðrið...

Upp fengum við óskert útsýni í allar áttir... hér til Hvalvatns, fjallanna sunnan Langjökuls,
Kvígindisfells, Skjaldbreiðar, Skriðu og félaga...

... og Botnssúlna sem enn eru að mestu í snjó... þarna gengum við á allar fimm á 5 ára afmælisárinu mikl árið 2012...
og héldum þá að við værum búin að upplifa allt á fjalli sem gæfist... það var nú aldeilis ekki...

 ... en þar var tekin uppáhaldshópmynd þjálfara í sögunni...
ein af allra sætustu sigrunum var ferðin sú...

Þunn þokan slæddist yfir tind Hvalfells þegar síðustu menn skiluðu sér upp en töfrarnir héldu sér...
... þó ekki hitinn... það snarkólnaði við þokuslæðinginn og golutetrið sem fylgdi henni
en við náðum samt góðum hópmyndum með sæmilegu útsýni...

Alls 25 manns á Hvalfellinu í kvöldgöngu upp með Glym...
... vel af sér vikið af kvöldgöngu að vera...

Leifur, Rósa, Ingunn gestur, Sarah, Roar, Gunnar Viðar, Karen Rut, Njóla, Arngrímur gesstur, Guðmundur V., Guðlaug, Kolbrún Ýr,
Svavar, Egill gestur, Ólafur Vignir, María Guðrún, Björn Matt., Kári Rúnar, Örn, Gerður jens., Guðmundur Jón, Gestur, Helga gestur, og Ágúst en Bára tók mynd og Batman passaði hjörðina sína vel :-)

Auðvitað tókum við sérmynd af gestunum... mikill heiður að þið skylduð koma með okkur þetta kvöld
og sérlega gaman að kynnast ykkur, hvert með sína sérstöku útgeislun sem var mjög gaman að fá að njóta...

Arngrímur á eigin vegum, Ingunn frá Íslenskum Fjallaleiðsögumönnum
og svo Egill og Helga Bergmann frá Vesen og Vergangi :-)

Eftir stutta hvíld á tindinum í þokukalsa með myndatökum og lágmarksnestisinntöku drifum við okkur niður...

... en skaflinn góði var of harðfenntur svo við lögðum ekki í hann...
já, við erum búin að ná því að það er æskilegra að vera þarna á ferð í lok maí eða byrjun júní :-)
en við náðum í skottið á honum engu að síður og skemmtum okkur smávegis...

Grýtt og bratt og seinfarið þá var þetta meðfram skaflinum í byrjun niður hlíðarnar
 en svo aflíðandi lendar í grjóti, möl, mosa og sköflum...

... alla leið að Stóragili sem skartar þessum kyngimagnaða fossi... sem næst engan veginn nægilega á mynd...
virkilega fagur foss... einn sá fegursti sem við höfum augum litið...
og vel þess virði að þvælast upp eftir að þessum stað til að skoða þó menn ætli ekki á Hvalfellið...

Við tók ein brött grjótbrekka í vaknandi lúpínunni sem þarna er óðum að taka yfir svæðið niður að Botnsánni
og núna náðum við að sniðganga kjarrið með því að halda okkur ármegin alla leið að Hvalskarðsánni...

Hún svona líka vatnsmikil og ólgandi en hana höfum við alltaf komist upp með að þvera stiklandi...
og það tókst nokkrum fótfimum að gera á þurrum fótum... meðan þeir óþolinmóðustu fóru bara á skónum...
og þeir allra þolinmóðustu óðu á táslum eða vaðskóm...

Slóðinn meðfram ánum sameiðunum að brúnni neðar í dalnum er virkilega falleg leið... kannski förum við hana næst upp í mót...
og tökum könnunarleiðangur austan megin til að gá hvort það sé mögulegt að klöngrast að gönguleiðinni við staurinn... ?

... það er allavega þess virði að fara þessa leið í dagsbirtu en ekki kvöldrökkri eins og við gerðum einu sinni árið 2015... sjá myndina hér þar sem ekkert mál var að stikla yfir Hvalskarðsá og taka mynd í leiðinni.. en reyndar lentum við þá í staðinn í alls kyns verkefnum ofar við að þvera hlíðar Hvalfells sem eru sundurskornar í giljum og gljúfrum þó við færum ofarlega :-)

Alls 12,6 km á 5:59 klst. upp í 854 m hæð með alls hækkun upp á 958 m með öllu miðað við 68 m upphafshæð.

Sjá fyrri göngur á Hvalfell - NB þá eru ekki meðtaldar allar ferðir að Glym þar sem við höfum farið að honum á ýmsa vegu gegnum árin... hér er eingöngu um göngur á Hvalfell að ræða... en þá sést að þrjár fyrri kvöldgöngur okkar að Glym og á Hvalfell voru kringum 5 klst. með styttri vegalengd þar sem farið var austan megin upp gljúfrið, ekki vaðið og því snúið fyrr að fjallinu...

Þarna með er vetrarferðin sem var dagsferð þar sem farið var kringum Hvalvatnið í leiðinni
alls 22 km þann 1. mars 2014 í fallegri ferð.

Sjá slóðina og þversnið göngunnar þetta kvöld árið 2017...

Slóðirnar okkar að Glym í gegnum árin í samhengi við gönguna kringum Hvalvatn
sem var eina dagsgangan á þessum slóðum enda 22 km löng dagsganga.

Sjá hér nær til að átta sig á mismunandi leiðum:

Gula slóðin okkar upp að Glym vestan megin með vaði og á Hvalfell 16. maí 2017.
 Ljósblá slóðin upp að Glym austan megin og á Hvalfell þann 27. maí 2008.
(sjá muninn við að vera vestan megin og þurfa ekki að vaða ofan við fossinn og eins að fara beint niður skaflinn)
 Rauða slóðin upp með Hvalskarðsánni að Stóragili og þverað yfir tungurnar niður að Glym og austurslóðinn niður 26. maí 2015.
 Bleika slóðin upp með Svörtugjá sem er mögnuð  leið og þaðan að Glym ofan frá og niður vestan megin 28. maí 2013.
  Og loks vetrardagsgangan að Glym vestan megin, með ánni kringum Hvalvatn á Skinnhúfuhöfða og svo á Hvalfell og niður syðst að Hvalskarðsánni þann 1. mars 2014.

Fleiri göngur vantar en þær eru svipaðar að leiðarvali og ofangreindar.

Hjartansþakkir allir fyrir falleg orð í okkar garð, allar kveðjurnar, myndirnar, fyrir blómin og fallega kortið...
fyrir að mæta og knúsa okkur og vera með í þessari göngu og öðrum uppátækjum á árinu...
fyrir að hugsa jákvætt og þora að koma með... fyrir að vilja vera með í þessum fjallgönguklúbbi... fyrir að kunna að meta það sem er í boði... fyrir að sjá möguleikana en ekki hindranirnar... fyrir alla aðstoðina, hjálpsemina og samstöðuna og síðast en ekki síst vináttuna sem er ómetanleg í þessum fjallgönguklúbbi og hefur myndað sterk bönd milli bæði núverandi sem fyrrverandi klúbbmeðlima sem ná langt út fyrir klúbbinn og munu eflaust endast mörg hver út lífið... og að lokum fyrst og fremst hjartansþakkir fyrir að hafa vit á að vera þakklát, glöð og jákvæð en einmitt það hefur gert okkur kleift
að njóta allra þessara ævintýra öll þessi ár :-)

Þessi ganga var ein af mörgum uppátækjum sem við tökum upp á á árinu í tilefni af afmælinu og okkur þótti virkilega vænt um hversu margir mættu og samglöddust með okkur og nutu kvöldsins... við erum rétt að byrja að fagna... það eru ótal skemmtileg uppátæki framundan út árið og nokkur drepfyndin að baki eins og "10 fjöll á 10 dögum"... ekkert annað í boði en hafa bara gaman af þessu öllu saman... ekki taka sig of alvarlega og hlæja sig vitlausan sama hvað... af því þá er miklu skemmtilegra að lifa :-)
 

 

Tíu fjalla afmælis áskorun !
 Göngum á tíu fjöll á tíu dögum
í tilefni af 10 ára afmælisári fjallgönguklúbbsins Toppfara
sem var stofnaður þann 15. maí 2007 á Esjunni :-)

... hófst fös 5. maí og lauk sun 14. maí
með frábærri frammistöðu í alls kyns veðrum
 stórskemmtilegum meldingum
og mögnuðum fjöllum...


 Doddi og Njóla á Einhyrningi

Fimm konur náðu að ganga á 10 fjöll
á þessum 10 dögum...

eða þær Ásta H:

Halldóra Þ:
- Laugard. 6. maí hófst kl 15:23: Helgafell Mosó m/Þórhildi: 4.5 km 1:35 klst 156 m hækkun
- Sunnud. 7. maí hófst gangan kl 20:47: Ásfjall frá sundlaug: 4 km 0:51 klst 95 m hækkun
- Mán 8. maí kl 21:32: Úlfarsfell að baki (reynt við 50 mín áskorun í þoku): 4.92 km 0:54 klst 205 m
- Þri 9. maí kl 21:41: Úlfarsfell bratta framhliðin: 2.81 km 0:48 klst 207 m
- Mi 10. maí kl 20:19: Mosfell m/Þórhildi: 3.92 km 1:20 klst 208m
- Fi 11. maí kl 18:48: Æsustaðafjall: 2.71 km 0:42 klst 100 m
- Fö 12. maí kl 20:47: Helgafell Hfr: 3.69 km 1:01 klst 248 m
- Fö 12. maí kl 21:51: Valahnúkur eystri: 3.61 km 0:58 klst 78m upp, 115m niður, mesta hæð 199m
- Su 14. maí kl 21:32: Reykjafell Mosó m/Þórhildi: 2.74 km 0:56 klst 209 m
- Su 14 maí kl 22:28: Æsustaðafjall endilangt m/Þórhildi: 4.3 km 1:11 klst 31m upp, 151m niður, mesta hæð 222m
Heildarvegalengd: 37,2 kílómetrar 1537 metra hækkun :-)

 

 Jóhanna Fríða:
 Listi Jóhönnu í Fjallakeppnina
1. 5.maí Stóri Dímon
2. 6.maí Hvannadalshryggur
3. 13.maí Ásfjall
4. 13.maí Vatnshlíð
5. 13.maí Stórhöfði
6. 13.maí Stórhöfði
7. 13.maí Vatnshlíð
8. 13.maí Ásfjall
9. 14.maí Sandfell
10. 14.maí Valahnúkar

 Njóla:
 Fjallalistinn minn.
1. Helgafell Hafnarfirði 5.maí
2.þrihyrningur Fljótshlíð 6.maí
3. Helgafell Hafnarfirði. 8. Maí
4. Arnarfell Þingvöllum 9. Maí
5.Ásfjall Hafnarfirði 10.mai
6. Úlfarsfell 10.maí
7.Esjan 11.maí
8. Þyrill Hvalfirði 12.maí
9. Leggjabrjótur 13.mai
10. Einhyrningur. 14.maí
11. Hrútkollur og ? 14.maí

 og Súsanna:
 Fjallalistinn minn :-:)
1. Ásfjall og nágrenni (5. maí)
2. Helgafell í Mosó (6. maí)
3. Keilir (7. maí)
4. Helgafell í Hfj. (8. maí)
5. Arnarfell við Þingvallavatn (9. maí)
6. Reykjaborg í Mosó (11. maí)
7. Æsustaðafjall í Mosó (11. maí)
8. Úlfarsfell (12. maí)
9. Mosfell (12. maí)
10. Valbjarnarvallamúlí Borgarfirði (14. maí)


Og einn karlmaður; höfðingi Toppfara Björn Matthíasson 77 ára:

Björn Matthíasson: 10 fjalla skýrsla
km tími hækkun
13/5 Leggjabrjótur 17,71 04:16:22 424
12/5 Úlfarsfell 3,62 01:19:18 198
11/5 Helgafell í Mosó 1,22 00:28:56 85
11/5 Mosfell 4,36 01:16:16 227
10/5 Helgafell í Hfj. 5,45 01:38:30 285
9/5 Arnarfell 7,81 02:41:10 254
9/5 Ásfjall í Hfj. 4,52 01:04:21 114
8/5 Helgafell í Hf. 5,25 01:40:49 264
6/5 Dyrhamar* 18,55 14:30:00 2100
5/5 Stóri Dímon* 0,55 01:00:00 100
* Tölur áætlaðar Samtals 69,04 29:55:42 4051

Tvær konur fóru 5+ km á 10 dögum
gangandi, hjólandi eða hlaupandi
eða þær Elín Páls sem var að bætast við hópinn í vor:
 5.mai 5.2 km hjól x2
6.maí 11,3km esjuganga/skokk
7.mai 7.9km hjól
8.mai 5.2 km hjól x2
9.mai 5.2 km hjól x2
10.mai - klst crossfit
11.mai 5.2 km hjol x 2 + 6.4km hjól
12. Mai 5.2 km hjol x 1
13.mai rikishringur Heiðmörk - 12.4 km
14. Mai 6.6 km

Vantar mynd Elín !


og Jóhanna Fríða sem gerði sér þannig lítið fyrir
og tók þátt í báðum keppnunum sem er mögnuð frammistaða:
 Listi Jóhönnu í Jaðarkeppnina:
1. 5.maí - Hjól 20 km
2. 9.maí - Hjól 23,8 km
3. 9.maí - Hjól 50,4 km
4. 10.maí - Hjól 17,6 km
5. 10.maí - Hjól 17,6 km
6. 11.maí - Hjól 26,5 km
7. 11.maí - Hjól 17,5 km
8. 12.maí - Hjól 23,9 km
9. 12.maí - Hjól 21,8 km
10. 13.maí - Náttúruhlaup 6,2 km

Nokkrir reyndu að ná þessu og fóru á allt að átta fjöll
eða Aðalheiður og Olgeir og fleiri ? :-)

Kærar þakkir allir fyrir þátttökuna  !
Þetta var mjög skemmtileg áskorun þar sem veðrið var upp á sitt besta fyrstu dagana og svo það versta svo við fengum allan pakkann
... sem kenndi okkur öllum líklega að þetta er vel gerlegt þrátt fyrir allt
ef áhuginn er nægur fyrir verkefninu :-)

Fjallalisti allra keppenda - alls 28 fjöll á höfuðborgarsvæðinu, Reykjanesi, Suðurlandi, Vesturlandi og í Öræfajökli:

Arnarfell, Ásfjall, Búrfellsgjá, Dyrhamar, Einhyrningur, Esjan, Hafrahlíð, Helgafell Hf, Helgafell Mosó, Hrútkollur, Húsfell, Hvannadalshryggur, Keilir, Lali, Leggjabrjótur, Mosfell, Reykjaborg, Reykjafell, Skálafell, Stórhöfði, Stóri Dímon, Úlfarsfell,  Valbjarnarvallarmúli, Valahnúkar, Vatnshlíð, Þríhyrningur, Þyrill, Æsustaðafjall.


 Sigurvegarar keppninnar:

Þjálfarar ætluðu að fara að draga úr nöfnum keppenda... en þótti eitthvað rangt við það að einn sigraði þessa keppni þar sem frammistaða allra var svo flott... fjöldinn allur af glæsilegum fjöllum... sjaldförnum og erfiðum... meldingarnar á viðburðinn svo skemmtilegar og stundum drepfyndnar og spennandi... eljan við að fara í erfiðu veðri einsamall aðdáunarverð... samviskusemin við þátttökuna svo frábær...

...að niðurstaðan varð sú að
... allir sex sem gengu á fjöllin tíu
unnu sér inn árgjald í klúbbnum að verðmæti 20.000 kr.
og jaðaríþróttakonurnar tvær unnu sér inn tindferðargjald að verðmæti 4.000 kr.!

Til hamingju elskurnar !

Sjá viðburðinn hér á fésbókinni
en þar eru óborganlega skemmtilegar meldingar þátttakenda
svo unun er að lesa !
 https://www.facebook.com/events/316935492054004/

 

 

Alla leið á Arnarfelli Þingvöllum
en ekki í Kænugarði Ukraínu

Fjórtán Toppfarar misstu af því að sjá Ísland detta úr úr undankeppninni í söngvakeppni sjónvarpsstöðva
þriðjudaginn 9. maí og kusu frekar að ganga á fagra fjallið Arnarfell við þingvallavatn en fjallið atarna er eitt af uppáhaldsfjöllum þjálfara sakir fegurðar og fjölbreytileika leiðarinnar...

Brostsið var enn ekki farið af andlitum Dyrhamarsfaranna Ólafs Vignir og Guðmundar Jóns sem upplifðu flottustu jöklagöngu í
sögu Toppfara helgina á undan í sögulega góðu veðri sem varla var hægt að ímynda sér að væri satt í þeim illviðrum sem nú geysa vikuna á eftir dag eftir dag í norðaustan kalsa...

Gengið var eftir fjallinu endilöngu frá norðri til suðurs og er það magnhnúkótt alla leið...

MÆttir voru: Guðmundur Jón, Njóla, karen Rut, Hjölli, Guðlaug Ósk, Geort, Katrín Kj., Gerður Jens., Ólafur Vignir, Aðalheiður, Svavar, Björn Matt. og Súsanna ásamt Batman en Bára horfði á söngvakeppnina og undirb´jó vinnuferð norður í land...

Nokkrir mættir þetta kvöld safna nú fjöllum... tíui talsins á tíu dögum í tilefni 10 ára afmælis Toppfaraen sorglega fáir taka þátt í þessari áskorun því miður... og engir karlmenn hafa meldað þátttöku fyrir utan þjálfarann... ofurkonur Toppfara eru enda margar og eljusemi þeirra aðdáunarverð... en þær hafa nú nokkrar meldað hvert fjallið á fætur öðru og sum ansi smart að fá í safnið eins og Þríhyrning að maður tali nú ekki um Hvannadalshrygginn og Dyrhamarinn og Virkisjökulinn... að liggur við að maður leyfi að þessi leið helgina á undan telji sem þrír tindar... en róum okkur... :-) keppni nlýkur á sunnudaginn og flestir ætla Leggjabrjót á laugardaginn sem telst með sem "fjall" og þá er sunnudagurinn einn eftir til að ná þessu up í tíu :-)

Leiðin til baka meðfram Þingvallavatni er í algeru uppáhaldi hjá þjálfurum... dásamleg gönguleið með orkuna af vatninu beint í æð... já, við skulum hjóla kringum Þingvallavatn í sumar.. ekki spurning...

Batman óð nokkur skref út í þessa tjörn en ekki lengra... hann  þarf að fara að læra að synda...
hér hefði Hríma hennar Helgu Edwald synt eins og selur...
og kannski hefði Batman elt hana...

Alls 7,5 km á 2:40 klst. upp í 247 m hæð með alls hækkun upp á 351 m miðað við 129 m upphafshæð.

Dásamlegt kvöld í alla staði
og frábært að sjá þátttakendur 10-fjalla-áskorunarinnar taka þetta svona samviskusamlega þessa dagana
fjall fyrir fjall ! :-)

https://www.facebook.com/events/316935492054004/
 

 

Stórhreingerningar veðurguðanna
fyrir sumarskellinn
á Húsfelli

Það var beljandi slagveður þriðjduaginn 2. maí þegar við ætluðum á Laugagnípu og Kerhólakamb...

... og því var ákveðið að ganga á Húsfell í staðinn sem gefur langa en fremur viðráðanlega göngu í erfiðu veðri...

... en vindurinn var slíkur að við komumst ekki nema hálfa leið upp fellið...

... og snerum því við og fórum Hjöllaleið til baka um hraunið í áttina að Búrfellsgjánni...

... og þar inn á stíginn sem liggur milli Valahnúka og gjárinnar...

Flott 9 km ganga í mjög erfiðu veðri þar sem verstu vindhviðurnar voru nánast búnar að fella okkur um koll
jafnvel á jafnsléttu svo ánægðari gat maður ekki verið með þessa frískandi útiveru í sumarhita þrátt fyrir vindinn...

Alls 9 km ganga á 2:20 klst. upp í 247 m hæð með alls hækkun upp á 125 m miðað við 146 m upphafshæð.

Dyrhamar og Hvannadalshnúkur framundan næstu helgi og spáð bongóblíðu frá miðvikudagskveldi fram yfir helgina...
hvílíkt lán í spánni !
 

 

Hjólað í fjallgöngu
frá Salalaug í Búrfellsgjá
hún gengin öll með hringleið um gígbarminn og hjólað til baka

Þriðjudaginn 25. apríl var jaðaríþróttaæfing fjögur af tólf á árinu...

... þar sem hjólað var í fjallgöngu frá Salalaug í Kópavogi...

... að Vífilsstaðavatni um Maríuhella og Heiðmörk að upphafsstað gönguleiðarinnar á Búrfellsgjá...

Þrettán mættu á hjólinu og átta manns til viðbótar til göngu eða alls 21 manns...

Við þéttum hópinn þrisvar á leiðinni og veltum saman vöngum yfir gæðum og eiginleikum hjólanna...

Frábært veður... milt, lygnt og hlýtt...

Þessi leið er búin að vera í sigti þjálfara frá því í fyrrasumar sem löng hlaupaleið... og kemst á kortið sem óbyggðahlaup Toppfara einn daginn... frá Salalaug, um Vífilsstaðavatn, Heiðmörk og loks upp og niður Búrfellsgjánna og sömu leið til baka... um 21 km löng... en þá á göngustígunum sem eru austan megin við bílveginn... en einnig er hægt að taka reiðstíginn sem er vestan megin... já, gerum þetta einn daginn !

Súsanna hjólaði að heiman úr Hafnarfirðinum... var búin með 7 km hjólatúr þegar við hittum hana við Maríuihellana...
hún hjólaði svo heim aftur eftir gönguna og túrinn í Heiðmörkinni... vel gert :-)

Arnar gerði eitthvað svipað... hann var mættur við Vífilsstaðavatnið úr Hafnarfirðinum...

Og fleiri hjóluðu að heiman...
Jóhanna Fríða Hafnfirðingur hjólaði 16 km í vinnuna um morguninn og svo úr vinnunni á þessa æfingu 6,1 km og svo með hópnum 7,4 km (lengri leiðin um golfvöllinn) og loks 10,6 km heim til sín eftir Búrfellsgjánna eða alls um 40 km hjólatúr... geri aðrir betur !

Já, það voru fleiri jafn galnir og við að fara með hjólin sín upp í Heiðmörk og taka æfingu...
því eins og í Hafnarfirðinum í fyrra þá uppgötvuðum við alveg nýja veröld hjólreiðamanna við æfingar í jaðri borgarinnar...

Leiðin að Búrfellsgjánni er virkilega skemmtileg og kom á óvart hversu stutt hún var... 7,1 km ef farið var malarstíginn að Vífilsstaðavatni en 7,4 km ef farið var smá aukakrók um golfvöllinn ef menn voru á þunnum dekkjum...

Við vorum 34 mínútur að þessu frá Salalauginni með öllum stoppum... eða 26 km á hreyfingu miðhópurinn...
þ.e.a.s. kvenþjálfarinn... sumir voru fljótari og aðrir lengur...

Við upphafsstað gönguleiðar í Búrfellsgjá biðu átta Toppfarar sem ekki náðu að fara á hjólinu
og stemningin var virkilega skemmtileg...

Gengin var hefðbundin leið um gjánna en hér höfum við farið nánast alltaf að vetri til og oftast í myrkri svo þetta var kærkomin tilbreyting enda einkennist 10 ára afmælisárið af smá útúrsnúningum þar sem gengið er á vetrarfjöllin að sumri
og sumarfjöllin að vetri að hluta til...

Jóhannes og Lilja hjóluðu áfram gönguleiðina að gjánni enda sagði Lilja "nú hét þessi æfing ekki hjólað á fjall" ? :-)
en þarna reyndiverulega á dekkjaþykkt þegar leið á þar sem eingöngu hnausþykk fjallahjóladekk komast leiðar sinnar svo þau gengu miðja leið með hópnum...

Slauga og Sigga Sig voru að koma eftir svolítið hlé og Batman réð sér ekki fyrir kæti að fá skvísuna með í göngu...
og leyfði henni af einskærri karlmennsku alveg að vera í friði með spennandi bein sem hún fann...

Nokkuð greiddist úr hópnum í gjánni sem var ekkert þéttur fyrr en á gígbarminum...
en það var ekki líkt Erninum... þetta "virtist eitthvað svo stutt og létt svona að sumri" var svarið...
og það var rétt... þetta var bara gott að taka í einum rykk á spjallinu allan tímann...

Hvílík smíði af náttúrunnar hendi... svona lagað leikur mannskepna ekki eftir...

Frábær hópur, þétt stemning og mikil gleði á þessari æfingu...

Örn, Guðrún Helga, Arnar, Karren Rut, Súsanna, Jóhannes, Jjóhanna Fríða, Guðlaug Ósk, Arna, Aðalheiður, Lilja H., Guðmundur Jón, Katrín Kj., Sigga Sig., Svavar, Gerður jens., Ólafur Vignir, Sóley, Jóhann Ísfeld
og svo mættu Batman, Bónó, Moli og Slaufa en Bára tók mynd.

Gígbarmur Búrfellsgjár er meistarasmíði
og alltaf jafn magnað að ganga hann með þetta landslag blasandi við manni allan hringinn...

Húsfell þarna í fjarska... og við rifjuðum upp átta tinda göngu Jóhönnu Fríðu, Björns Matt og Súsönnu hér fyrir tveimur vikum eða svo þegar þau gengu úr Hafnarfirði á Ásfjall, Vatnshlíð, Stórhöfða, Gvendarselshæð (afhverju kalla menn það Sandfell?), Helgafell í Hafnarfirði, Valahnúkar, Húsfell og Búrfellsgjá... og melduðu myndir af sér á hverjum tindi og svo var tekinn einn kaldur á áttunda tindinum.. alger snilldarleið sem gefur mikið og er góð sárabót ef ekki viðrar vel eða menn vilja ekki eyða tímanum í langan akstur... stundum er gott að líta sér bara nær :-) 

Slaufa er mikil skvísa og hefur einhvern náttúrulegan hæfileika til að myndast vel í alls kyns landslagi...

Já, þarna uppi skáluðu þau fyrir síðasta tindi dagsins Hafnfirðingarnir sem eru engum líkir...

Mikið gott að spjalla á svona göngu og oft nást umræður sem ekki fást annars í hraða og áreiti nútímans
þar sem allir eru dottnir í  tækin sín og hafa engan tíma í alvöru samskipti...

Ferskir Perúfararnir Arna, Sóley og Lilja H., sem eru nýkomnar úr magnaðri Perúferð á vegum Ágústar (og Arna og Sóley skelltu sér á Eyjafjallajökul síðustu helgi með klúbbnum)...Sigga Sig sem kemur aftur eftir svolítið hlé og Súsanna sem slasaðist á ökkla á Geirmundartindi um daginn en er óðum að jafna sig...

Hvílík forréttindi að hafa svona göngufélaga !

Og svo var hjólað til baka... ekket mál... nú meira niður í mót og veðrið áfram svona gott...

Fyrstu menn voru ekki nema 18 mínútur að þessu...  hinir voru svolítið rólegri og nutu þess að svífa um Heiðmörkina og inn í Kópavoginn aftur.. snilldarstígar og frágangur á öllu þessu útivistarsvæði... Kópavogi til mikils sóma...
þetta skiptir nefnilega heilmiklu máli upp á að menn taki upp á svona hlutum og fari aftur af stað...
það gerum við klárlega aftur... bæði að fara þessa leið... og að hjóla svona í fjallgöngu...

Hvílík snilld !

Hjólað alls 7,1 km (malarstígurinn að Vífilsstaðavatni) frá Salalaug í Búrfellsgjá á 0:34 mín (meðalhraðinn)
upp í 139 m hæð með alls hækkun upp á 45 m miðað við 130 m upphafshæð.

 Gengið um Búrfellgjá alls 5,6 km á 1:23 klst. upp í 219 m (ekki rétt mælt! - er 189 m)
með alls hækkun upp á 51 m miðað við 135 m upphafshæð.

Hjólað frá Búrfellsgjá í Salalaug alls 7,4 km (golfvöllurinn) á 18 mín hröðustu menn
með alls hækkun upp á 20 m miðað við 135 m upphafshæð en lækkun hér var 73 m
skv. Endomondi en það mældi ekki vel þetta kvöld.

 

 Takinu sleppt á vorinu
á Stóra Reykjafelli

Já, það var vetur á Stóra Reykjafelli þriðjudaginn 18. apríl en þá frestuðum við hjólaferðinni um eina viku...

Loksins létt og stutt kvöldganga eftir tvær krefjandi síðustu þriðjudaga en það virtist ekki hafa jákvæð áhrif á mætinguna því ekki voru fleiri mættir sem nýttu sér léttleikann en hins vegar mætti nýliði og einstaklingar sem eru að jafna sig eftir meiðsli og eins komu gestir sem heðfu kannski ekki komið í mjög krefjandi kvöldgöngu enda finnumn við að það er mjög gott að hafa þessar léttu kvöldgöngur til skiptis á við þær erfiðari...

Þrætt var öfuga leið miðað við áður upp vesturöxlina með smá klöngri á kafla sem var góð uppbót á annars léttri göngu...

... og farið með fjallgarðinum og skarðinu upp á hæsta tind austan megin...

Mun vetrarlegra en í bænum og það gekk á með hryðjum...

En bröltið var gott og stemningin rífandi góð þar sem Perúfararnir Sóley og Gestur
sögðu okkur frá ævingýrum Toppfara með Ágústi í Suður-Ameríku...

Svo létti aftur til og við fengum ágætis veður á kafla og algert logn í skarðinu sem var óskiljanlegt í vindinum ofar en svona eru vindarnir einhvern veginn stundum dyntóttir í breytilegu veðri...

Hellisheiðarvirkjun gufandi um allt og mannvirkin fegruðu ekki útsýnið en það þýðir ekki að ergja sig á því...

Guðmundur Jón með Bónó fyrir framan sig, Örn með forystuhundinum Batman, Elín sem var að mæta í sína fyrstu göngu og er náttúruhlaupari eins og Jóhanna Fríða,
Sigríður Arna og dóttir hennar Sara með tíkina Eris, Björn Matt., Jóhann Ísfeld, Gestur sem var gesturinn hennar Sóleyjar og Jónas Orri.
Neðri eru Katrín Kj., Sóley með tíkina Ísold, Gerður Jens og Jóhanna Fríða.

Já, einn nýliði, tveir gestir, tvedir Perúfarar, sjö Mont Blanc farar, ein að koma eftir meiðsli og fimm hundar !
... nóg að gera !

Við slepptum aukakrók norður eftir þar sem það skall á hríð þegar við vorum uppi að ákveða okkur...

... og þræddum þess í stað austuröxlina eins vítt og við gátum til að ná smá vegalengd út úr þessu...

...en við vorum sammála því að það mætti alveg fara þessar stuttu göngur því þær væri að gefa heilmikið og það væri gott að geta gengið að þeim vísum sama hvað... já, hættum að finnast þetta vera of lítið og vera sífellt að reyna að lengja þær...

Niðurleiðn var farin um jarðhitasvæðið sem kemur alltaf á óvart...

Hér væri nú aldeilis hægt að fá ferðamennina...

... en allt í niðurníðslu og sorglegt að sjá...

Alls 3,5 km á 1:42 klst. upp í 525 m hæð með alls hækkun upp á 300 m miðað við 324 m upphafshæð.

Hey ! Stóra Reykjafell er fínasta fjallatímamælingarfjall - fara sömu  leið g við fórum - þræða sig upp öxlina öðru hvoru megin
og svo um báða tindana með skarðinu á milli... ekki spurning ! :-)

Eyjafjallajökull á laugardaginn og veðurspáin er glimrandi :-)
 

 

Fimm fjalla páska áskorun !

Hefst þri 11. apríl og lýkur þri 18. apríl

Skorum á alla Toppfara og aðra áhugasama að ganga á fimm fjöll um páskana
Dregið verður úr öllum melduðum þátttakendum um frítt árgjald í fjallgönguklúbbinn
 Allir geta verið með óháð klúbbaðild í Toppförum


Þriðjudagsæfing á Lambatanga, Kálfadalahlíðar, Gullbringu og geithöfða
í fallegu sólsetri 17. apríl 20111.

Reglur:

1. Hver og einn meldar inn á viðburðinn á smettinu hverja fjallgöngu fyrir sig
með annars vegar slóð af Endomondo, Strava eða álíka gps-slóðum (einfalt að hlaða niður á símann)
og hins vegar með ljósmynd af fjallinu/göngunni.

2. Áskorunin hefst þri 11. apríl og lýkur þri 18. apríl
svo menn geta látið tvær þriðjudagsgöngur gilda af þessum fimm
og annir um páskana ættu ekki að hindra för við að ná þessu.

3. Dregið verður úr öllum þátttakendum og vinningurinn er frítt árgjald fyrir viðkomandi
eða einhvern annan ef hann vill frekar gefa vini sínum klúbbaðild :-)

Jaðarkeppni:

Þeir sem ekki ná að fara á fimm fjöll en eru á fullu í annarri hreyfingu og vilja vera með
geta tekið þátt með því að skokka eða ganga eða skíða eða álíka að lágmarki 5 km í stað einnar fjallgöngu
en dregið verður einnig úr þessum "jaðarflokki" og er vinningurinn þar ein tindferð :-)

Sjá viðburðinn hér á smettinu:
https://www.facebook.com/events/833034750184172/d

Niðurstöður:

Fimm Toppfarar tóku þátt og þetta verður árlegt hér með:

Vinningshafar í fimm-fjalla-páska-áskoruninni er JóHanna SjóHanna Dalkvist
sem fær árgjald í Toppförum að verðmæti 20.000 kr í vinning fyrir að ganga á fimm fjöll frá 11. - 18. apríl
og melda það inn á viðburðinn og Erna Rakel Baldvinsdóttir sem fær tindferð að verðmæti 4.000 kr. í vinning
fyrir að fara á fjall eða ganga 5 km alls fimm sinnum á tímabilinu og melda það inn á viðburðinn :-)

Takk öll fyrir að vera með Aðalheiður Steinunn Eiríksdóttir, Jóhann Ísfeld Reynisson, Lilja Bjarnþórsdóttir :-)
Við ætlum að hafa "tíu fjöll á tíu dögum" í maí í tilefni af 10 ára afmælinu frá 5. maí til 14. maí með svipuðum leikreglum og afhenda vinninga í afmælisgöngunni þann 15. maí :-)

 

 

Geirmundartindur um Pytta
í boði Inga


Ljósmynd: Ingólfur Hafsteinsson - takk Ingi !

Þriðjudaginn 11. apríl komust þjálfarar ekki á fjall og því bauð Ingi félögum sínum á hæsta tind á fjallinu sínu
g það um mjög fallega leið sem hann sýndi hópnum á sínum tíma... nefnilega bakdyramegin um Pyttana...
og mættu níu manns að Inga meðtöldum :-)

Guðmundur Jón, María, Björn Matt., Jóhann Ísfeld, Sarah, Anton, Sigga Sig., og Súsanna ásamt Slaufu.


Ljósmynd: Ingólfur Hafsteinsson - takk Ingi !

Talsverður snjór var í gilinu ofan Pyttanna og krefjandi færi eftir því sem ofar dró svo höggva þurfti spor
upp yfir snjóhengju sem þarna var efst við Geirmund, en allt gekk vel þó vel hefði tekið á hópinn.


Ljósmynd: Jóhann Ísfeld - takk Jóhann !

Í bakaleiðinni datt Súsanna illa og þurfti þrýstingsumbúðir til að geta haldið áfram niður eftir slæma tognun
og hluti hópsins fylgdi henni alla leið niður.

Þrátt fyrir krefjandi verkefni þessarar göngu voru menn hæstánægðir með hana enda gott að fá stundum alvöru verkefni til að kljást við því þaðe er aldrei að vita hvenær svona verkefni banka upp á og þá er betra að vera búin að æfa þau á þriðjudögunum :-)

Kærar þakkir Ingi fyrir flotta kvöldgöngu :-)

 

 

Mófell og Ok undir Skessuhorni
fullkomin sárabót fyrir Eyjafjallajökul
í kristaltæru sólsetri og brakandi snjó

Eftir að hafa frestsað Eyjafjallajökli til laugardagsins 22. apríl var ansi kærkomið að fara í krefjandi kvöldgöngu
þriðjudaginn 4. apríl undir Skessuhorni í norðanverðri Skarðsheiði...

... í mun betra veðri sen spáin sagði til um...

... logni og sólríku veðri og góðu færi alla leiðina...

... því stífa norðanáttin sem spáð var virtist hafa ákveðið að renna sér niður suðurhlíðar Skarðsheiðar og Esjunnar
og láta norðurhlíðarnar alveg í friði...

Við vorum himinlifandi með þetta veður og drukkum það í okkur eins og dauðþyrstsir menn í eyðimörkinni...

Nákvæmlega þetta var veðrið... útsýnið... landslagið... stemningin... færið....
sem við vildum vera í á Eyjafjallajökli helgina á undan...

Batman þaut um allar brekkur í sömu gleðinni og við...

... og Skessuhornið sem alltaf grípur anda manns á lofti í hvert sinn sem maður lítur það augum
hélt manni vel við efnið á uppleiðinni...

Fjallasalur Skarðsheiðarinnar að norðan er kyngimagnaður
og það var gaman að rifja upp ólíkar göngur á hvern einasta tind á þessum fjallgarði í gegnum árin...

Við vorum ekki mörg sem mættum... eflaust margir látið veðrið og líklega aksturslengdina hindra för...
en vá hvað það var hverrar sekúndu virði að keyra alla þessa leið fyrir þessa veislu sem þarna var...

Meira að segja þjálfara höfðu dauðséð eftir því að hafa þessa sjaldgengnu tinda á dagskránni svona í byrjun ap´ril
og ætluðu ekki að nenna að keyra í rúman klukkutíma fyrir þetta...

... en skömmuðust sín fyrir þessar pælingar þegar við gengum þarna upp...
þetta var algerlega fullkomið og svo óskaplega kærkomið eftir rysjótt veður frá því á Baulu fyrir mánuði síðan...

Mófellið mældists 406 m hátt á þessum hól hér en Mófellið dreifir ansi vel úr sér undir Skarðsheiðinni...

Sjá færið þetta kvöld... gat ekki verið ferskara og fallegra og betra...

Við vildum líka ná Okinu... þessum litríka og formfagra hrygg sem rís innst undir Skarðsheiðinni og má með sanni segja að sé falinn fjársjóður á þessu svæði... enda koma fáir alla leið hingað...

Þetta var í annað sinn sem við gengum á þennan hrygg... þá í maí þar sem litríkt bergið naut sín betur...
næst skulum við fara í lok sumars og horfa á norðurhlíðar Skarðsheiðarinnar í nærmynd í sem minnstum snjó...

Skýin léku sér við hæstu tinda og stundum birtust þeir í ógnvekjandi veldi sínu... og hurfu svo aftur...

Sjá rautt bergið og skeljakennt á hryggnum...
hann er sér veisla út af fyrir sig þessi hryggur og gaman að ganga hann út í enda næst
og fara niður í dalnum hinum megin...

Mörg snjóflóð sáust í hlíðunum og það var forvitnilegt að sjá hversu langt þau höfðu náð niður sum hver...

Nesti´spása á hryggnum.. við rétt náðum síðustu sólargeislunum
sem skinu á okkur þarna í 505 m hæð á Okinu eða svo...

Einstaklega þétt stemning í göngunni þetta kvöld sem oft gerist þegar hópurinn er ekki stærri en þetta...
Jón Tryggvi, Sarah, Örn, Kolbrún Ýr, Ólafur Vignir, Rósa, Karen Rut, Njóla og Ingi
en Bára tók mynd og Batman var eini hundurinn á svæðinu...

Sólin hvarf bak við Katlana undir Skessuhorni þegar við lögðum af stsað niður...

... og sólarlagið skreytti bakaleiðin alla niður í bílana í gulum og bleikum litum...

Litið til baka þar sem skýin voru orðin bleik að lit í sólsetrinu...
Sjá gleðina sem ríkti þetta kvöld á andlitum þessara engla :-)

Við fórum greitt niður... allavega Örn og Rósas að tala um maraþon...
 en það er þekkt að þegar það umræðuefni ber á góma þá gefa þau tvö alltaf í...

Við hin vorum að renna okkur og njóta og spá í sólarlagslitina
og hvernig þeir slógu penslum sínum á allt sem fyrir varð...

... svo við máttum ekkert vera að því að ganga niður...

Og tókum bara aukahópmynd í bleika litlnum...

Sarah, Kolbrún Ýr, Karen Rut, Ólafur Vignir, Njóla, J'on Tryggvi og Ingi.

Alls 8,3 km á 2:45 klst. uppp í 406 m og 505 m hæð með alls hækkun upp á 432 m miðað við 89 m upphafshæð...

Algerlega fullkomin kvöldganga sem drjúgt langt með að koma í staðinn fyrir jöklagöngu þó þær séu mun lengri og gjöfulli samt...

Vonandi fáum við fleiri svona kvöld áður en sumarið kemur í allri dinni dásamlegu dýrð...

... og vonandi náum við Eyjafjallajökli 2ö. eða 22. apríl !
 

 

 

Við erum á toppnum... hvar ert þú?
 www.toppfarar.is

Toppfarar ehf - Viðarrima 52 - 112 Reykjavík - Kt: 581007-2210 - Sími: +354-867-4000 / -899-8185 / -588-5277 - Netfang: bara(hjá)toppfarar.is
 Copyright: Höfundarréttur: Bára Agnes Ketilsdóttir