Leggjabrjótur
fram og til baka
í brakandi logni og sól
algerum friði og tærri fjallasýn

Laugardaginn 25. apríl árið 2020 létum við gamlan draum rætast og gengum Leggjabrjótsleiðina fram og til baka á einum degi úr Botnsdal í Hvalfirði alla leið í Svartagil á Þingvöllum og svo til baka... og komumst að því að þetta var ekki sérstaklega erfitt né tímafrekt... og að við hefðum vel getað haldið áfram meira en 10 kílómetra... og þar með var allur uggur og allar efasemdir um hvort við gætum varið Laugaveginn á einum degi horfnar... nú stóðum við keik frammi fyrir þeirri áskorun ársins 2020... og létum okkur byrja að hlakka virkilega til...

Blíðskaparveður var þennan dag... en það sama átti ekki eftir að vera raunin hvað varðaði færið... þar reyndi vel á þolrifin á okkur öllum... sem var fínt... þannig fengum við enn meiri æfingu út úr göngunni sem þjálfari okkur enn frekar fyrir mögulegt mótlæti á Laugaveginum...

Svalt í veðri til að byrja með... lítill sem enginn vindur... sólin að koma upp... þetta leit vel út...
þó það hefði verið ansi hvasst og kuldalegt á akstursleiðinni inn eftir...

Við vorum alls 15 Toppfara sem lögðum af stað plús tveir gestir sem fóru bara stutta leið upp eftir...
fjögur sneru við þegar stutt var eftir... og ein fór bara aðra leið yfir...
svo tíu manns luku við legginn x2 eins og hann lagði sig...

Hlýjindin síðustu daga spáðu drullu á leiðinni... sem reyndist raunin... en við vorum undir það búin og öll vel skóuð...

Úff já... þetta var ekkert grín... þar sem mennirnir hafa búið til troðinn slóða... er ástandið svona... en þar sem náttúrunar var bara í sínu... þar var færið skárra... þó drullan væri samt til staðar í miklu magni á köflum... en þó sínu verri Svartagilsmegin... enda liðið lengra á daginn þegar þangað var komið...

Botnssúlurnar glitruðu í vorsólinni ofan okkar en þær skreyta Leggjabrjótsleiðina miklum töfrum...

Hvalskarðsáin... mikil náttúrusmíð... það er þess virði að rekja sig eftir henni allri til upptaka í Hvalvatni...
og taka hringleið um vatnið og koma niður hinum megin...

Botnssúlurnar - Hvalskarðsá - Toppfarar... flott þrenna þennan dag...

Heilmikill snjór ennþá á heiðinni... hann átti eftir að taka yfir allt þegar ofar dró...

Fyrsti skaflinn...

Þarna voru leysingar og drulla neðar...
í lok þessa dags vorum við orðin ansi góð í að tipla yfir drullusvæðin með sem minnstri áreynslu...

Litið til baka... gróskumikill Hvalfjarðarbotninn allur smám saman að taka við sér með vorinu...

Skaflarnir voru harðir til að byrja með... en mýktust með deginum og hækkandi sól...

Stundum komu langir kaflar á þurru grýttu svæði... það var best...
þess vegna væri gaman að fara aftur þessa leið síðla sumars með alla leiðina þurra og snjólausa og bera saman...

Nokkrar sprænur eru á leiðinni sem tiplað var yfir...
nóg drykkjarvatn er alla leiðina og óþarfi að bera mikið vatn...

Sjá dóttur og tengdasonur Hafrúnar og Steinars hér aftast á mynd
en þau gengu með okkur talsvert upp eftir áður en þau sneru við á eigin vegum...
mjög gaman að fá þau með í göngu... æj, hvað hétu þau aftur !?

Alls kyns sögur af Botnssúlum voru rifjaðar upp...
meðal annars nýleg ferð nokkurra Toppfara á Vestur-  og Norðursúlu um páskana...

Ofar voru árnar á kafi í snjósköflum...

Drullusvaðið hér... sjá hvernig við sukkum ofan í drulluna í hverju skrefi...

Brynjudalur... svo fagur...

Hér er snjórinn ansi harður...

Fyrsta hópmynd dagsins... tókst ekki nægilega vel... dreifingin á hópnum þarf að vera jöfn...

Hækkunin upp á heiðina við vatnið er ansi drjúg...

Hér komin upp Sandhrygginn...

Víðáttan... skæra birtan... frelsið... einkenndi þennan dag...

Mikið spjallað... gefandi samræður við fólk úr öllum stéttum og sviðum mannlífsins og atvinnulífsins
er eitt af því besta við fjallgönguferðirnar...

Hópurinn þéttur öðru hvoru... Örn stjórnaði göngunni mjög vel...

Litið til baka...

Búrfell í Þingvallasveit í smá skýjum efst... það var svo fallegt þennan dag...

http://www.fjallgongur.is/tindur192_burfell_thingvollum_290220.htm

Þessi sigketill hér var sérstakur... þarna var augljós hiti sem bræddi stöðugt snjóinn
þannig að hann festist safnaðist ekki upp eins og alls staðar í kring...

Fyrsta nestispása dagsins... í skjóli og sól... en það var nokkuð svalt samt...

Sandvatnið hér ísilagt og hvítt... hér var logn og friður... og fuglasöngur... efst á leiðinni um Leggjabrjót...
þar sem oft er þoka og kuldi um mitt sumar...

Skaflarnir... veturinn... var víkjandi... og sólin var á fullu að vinna í málinu...

Syðsta súla að koma í ljós... mjög hvöss og tignarlega frá þessu sjónarhorni...

Miðsúla komin í ljós hér fjær... og Súlnasalurinn þarna á milli...

Vestursúla hér útbreidd...
þarna í klettunum lentum við í vandræðum á leið til baka árið 2012 þegar við gengum á allar fimm Botnssúlurnar...
... ef við bara hefðum farið aðeins fyrr niður... þá hefðum við lent á flottri og greiðfærri leið :-)

http://www.fjallgongur.is/tindur80_botnssulur_allar5_300612.htm

Litið til baka... Sandvatnið vinstra megin frosið...

Vestursúla, Inga Guðrún og Jóhanna Diðriks...

Syðsta súla og víðáttan sem við vorum í...

Súlnasalur hér milli Botnssúlnanna...

Langar brekkan sem við renndum okkur svo niður um í bakaleiðinni...

Vörðurnar eru óðum að koma undan snjónum á leiðinni... þetta var magnað að sjá...

Búrfellið farið að nálgast...

Frelsi og víðátta... blíða og blámi... einkenndu þennan dag...

Þingvelli að koma í ljós... snjóminni fjöllin þar enda standa þau mun lægra en Leggjabrjótur...

Hópmynd dagsins... þessi var best... með Botnsúlurnar í baksýn...

Fimmtán manns... plús tveir gestir...
fjögur sneru fyrr við; Hafrún og Steinar og svo Agnar og svo Ásmundur...
Jóhanna Diðriks lét sér nægja að fara hefðbundinn Leggjabrjót aðra leiðina en gekk svo lengra niður á þingvelli...
og tíu náðu að klára alla leiðina enda í enda;
Bára, Biggi, Bjarni, Bjarnþóra, Inga Guðrún, Jórunn Atla, Kolbeinn, Steinar Ríkharðs., Vilhjálmur og Örn.

Stundum var mosinn í aðalhlutverki...

Hér erum við að ganga yfir snjóbrú á Súluá...

Neðar opnaðist yfir ánni... kvenþjálfaranum var ekki sama...
vildi ekki að einhver dytti niður um snjóinn hér og festist á miðri leið...

Sjá ofar... áin sást á köflum undan snjónum...

Öxará að mæta á svæðið úr Myrkavatni...

Sjá hana hér...

Nú gengum við meðfram henni næstu kílómetrana... hér var funhiti... og allir komnir úr...

Snjórinn orðinn mýkri og erfiðari yfirferðar...

Sprungur í snjónum þar sem hann hangir yfir ánni og fellur svo fram...

Stundum gleymdu menn sér og voru komnir ansi nálægt... þetta gat vel verið hættulegt...

Hafrún og Steinar létu hér við sitja og fengu sér nesti á góðum stað þegar tók að lækka niður eftir...
við hin þrettán héldum áfram og vonuðum að við myndum ná þeim í bakaleiðinni en svo fór ekki...
þau voru fljót til baka og Hafrún hljóp svo niður á þjóðveginn til að ná meiri þjálfun út úr deginum sem var vel af sér vikið eftir alla þessa göngu en þau fóru 28 km á móti okkar 33 km sem sagði hversu stutt var eftir þegar þau sneru við...

Hér var fyllt á flöskurnar...

Nú vorum við farin að lækka okkur niður að þingvöllum... og þá hvarf snjórinn en drullan tók við...

Smá brekkur á leiðinni um ásana niður að  Þingvöllum...

Ármannsfellið... Hrafnabjörg... Kálfstindar og félagar...

Botnssúlurnar iðuðu af lífi fyrir framan okkur...
fjallaskíðamenn, brettafólk, fjórhjólarar, göngumenn... þetta var æði !

Góður kafli hér á þurru...

Sjá fjórhjólafólkið í skaflinum...

Við fylgdumst með göngumönnum fara upp hrygginn...
og skíðamönnum renna niður skaflana...

Þessi síðasti kafli niður að ánni við Svartagil á Þingvöllum reyndu verulega á okkur... steikjandi hiti... en færið skelfilegt... sukkum í hverju skrefi á köflum... Agnar gafst upp fljótlega hér... og svo Ásmundur neðar... og þeir sneru báðir við einír á ferð en hittust aldrei... við hin þrjóskuðumst áfram... enda var allt með okkur... bókstaflega allt... lognið, hitinn, skyggnið, tíminn... nema færið...

Sjá hér hvernig við sukkum niður í drulluna... manni féllust hendur á þessum kafla og það var svo skiljanlegt afhverju strákarnir sneru við...
við spáðum í skárri leið til baka... ofar eða neðar við þetta skelfilega drullusvæði...

En það var lúmskt gaman að láta sig hafa það og gefa ekki eftir...
okkur langaði ekki að í neitt annað en klára þetta...

Komin að gljúfrinu ofan við ánna...

Sjá hér síðasta kaflann niður að nestisstaðnum við ánna...

Farið að sjást í bílana sem voru beggja vegna árinnar...

Hér áðum við góða stund, borðuðum og hvíldumst... áður en við snerum til baka sömu leið...

Sjá fjórhjólin fara til baka... áin varð mórauð af drullunni sem koma af hjólunum...

Vel þegin hvíld... yfir seinni hálfleik dagsins...

Ekki galið að dotta smá ef menn geta það...
en það var bara spjallað og spáð sem var yndi...

Riddarapeysurnar á Leggjabrjót...

Jórunn Atla, Bjarni, Örn sem var að mæta í fyrsta sinn í sinni og Bára.

Jóhanna Diðriks lét aðra leiðina um Leggjabrjót nægja... og gekk áfram móti barnabarni sínu og dóttur sem komu að sækja hana á Þingvöllum... hún gekk alls x km þennan dag sem var vel gert :-)

Búin með 16,7 km á 5:20 klst... hálfnuð...

Ekki skemmtilegur fyrsti kaflinn til baka... aftur um allt drullusvæðið...

En við bara kyngdum og tókum fyrsta skrefið... og svo það næsta...

Mættum snjóbrekkafólkinu sem var eins og við... bara að hafa gaman...
brosandi og þakklátt með geggjaðan dag... þó þau væru á kafi í drullu með skóna sína ! :)

Við fórum lítið eitt norðar til baka til að reyna að sniðganga drulluna þar sem okkur sýndist vera þurrara land þar... og það reyndist rétt...
við spáðum líka í að fara sunnar meðfram ánni... það hefði líka vel getað verið þurrari leið...

Fegin að vera búin með versta kaflann...

En samt ennþá þessi eftir hér....

Við straujuðum þetta bara og gleymdum okkur í umræðum...

Fyrir sumar voru skaflarnir verri en drullan...
það var merkilegt þegar við viðruðum daginn hversu ólíkt menn upplifðu hann...

Náttúran svo falleg á leiðinni...

Blámi himinsins... hvíta snævarins... brúnka jarðvegarins...

Snjórinn var mýkri og erfiðari til baka...

... en okkur var drullusama... þetta var svo geggjaður dagur !

Biggi í legghlífunum... og stuttbuxum... sem segir allt um hversu gott veðrið var... og erfitt færið...

Sprungurnar við ánna...

Sumarið var að gjörsigra veturinn þennan dag...

Við ákváðum að fara ekki aftur yfir snjóbrúna á Súluá svona ofarlega eins og áðan heldur neðar við ármótin...

Snjóbrúin yfir Súluá... hnausþykk og þétt... þetta var alveg öruggt...

Sjá leiðina okkar og svo ánna koma út neðar og út í Öxará...
munum þennan stað og rifjum upp seinna að við fórum hér yfir á hnausþykkum snjóskafli !

Búrfellið svo fallegt...

Fyrsta Leggjabrjótsganga Toppfara var á Búrfellið í leiðinni... mjög söguleg ferð...

http://www.fjallgongur.is/tindur28_burfell_leggjarbrj_101009.htm

Ofar í Öxará utan leiðarinnar okkar var fagur foss að koma undan snjónum... við Biggi kíktum á hann...

Nú var himininn að fyllast af skýjum...

Þessi kafli hér var skemmtilegur... upp á hæsta punkt á leiðinni...

Heilmikill mosi og þurrt þennan kafla sem var kærkomið...

Botnssúlurnar... það er án efa líka slóð nær þeim um Leggjabrjót... sem sést líklega betur þegar snjóa leysir meira...

Verið sælir Þingvellir... en þarna á Arnarfelli við Þingvallavatn voru nokkrir Toppfara að ganga...
þau sem eru einbeittust í að ná þessum tæplega fjörutíu Þingvallafjöllum á árinu sem er áskorun ársins 2020 :-)

Hæsti punktur líklega hér...

Við ákváðum að finna snjólausan stað til að borða síðustu nestisbitana...

Þessi varða orðin vel sjáanleg undan snjónum...

Hér var góður nestisstaður... síðasta pása dagsins...

Orðið svolítið skýjaðra skyndilega...

Litið til baka... enn sést í Þingvallafjöllin að hluta...

Nú tók að halla niður í mót...

Gott að renna sér smá hér :-)

Sandvatnið... hér var mjög sérstök birta... algerir töfrar á þessum annars oft kuldalega stað...

Hópmyndatilraun við Botnssúlurnar...

Þessar tvær verða gengnar í maí sem hluti af Þingvallafjallaáskoruninni...

Það var eitthvað göldrótt hér við Sandvatnið...

Víglína vetrar og sumars... allt að gerast...

Fuglasöngur og mikill friður hér í logninu...

Einstakt andrúmsloft... eins og fyrri tíðar saga lægi hér um allt...

Sandvatnið og himininn...

Sandvatnið og ísinn...

Ísilagt og rákað vatnið...

Ótrúlega mikil fegurð hérna...

Eftir brekkuna frá vatninu blöstu brekkurnar við okkur niður í Hvalfjarðarbotn...

Brynjudalur að koma í ljós...

Þreytan farin að segja til sín...

Komin úr snjónum að mestu... Brynjudalur...

Hópurinn þéttur hér og síðasti kaflinn tekinn með áhlaupi eins og hver og einn vildi og þoldi...

Batman líka orðinn þreyttur...

Þegar hann er farinn að hvílast í pásum... þá er hann orðinn þreyttur...

Jú, við tökum þetta... þetta er ekkert...

Stelpurnar héldu hópinn síðasta kaflann niður...

Drullan á smá kafla hér...

Hvalskarðsáin...

Slóðinn síðasta kaflann inn í skóginn... við vorum jú þreytt... en samt var þetta undarlega viðráðanlegt...

Eða eins og Steinar Ríkharðs orðaði þetta svo vel; maður var orðinn þreyttur eftir 15 km...
og eftir það var sama þreytan viðvarandi en hún jókst ekki... einmitt það sama og þjálfarar kannast við í þessum löngu ferðum...
þreytan kemur... en hún versnar ekki ef maður borðar og hvílist reglulega...
Það er eins og maður geti haldið áfram endalaust ef maður fær næringu og hvíld öðru hvoru...

Glymur...

Sumir böðuðu fæturna í Botnsánni í lok göngunnar...

... og sumir fóru bara út í á skónum og skoluðu af þeim...

... fínasti þvottur :-)

Við vorum lítið blaut í fæturna þennan dag...

skór og legghlífar héldu vel...

Og gleðin... og sigurvíman var ótvíræð...

Við vorum himinlifandi með að klára þetta svona með stæl !

... og svifum síðasta kaflann...

... í blíðunni...

Notalegur endir á göngunni hér um Botnsdal... sjá Svörtugjánna okkar vinstra megin...
og Hvalfellið okkar hægra megin...

Það var meira að segja drulla á bílastæðinu ! :-)

Hvílíkir snillingar !

Leggjabrjótur verður ekki samur í okkar huga eftir þessa göngu !

Alls 32,9 km var niðurstaðan... á 9:47 - 10:05 klst. upp í 492 m hæð hæst
með alls 1.318 m hækkun miðað við 66 m upphafshæð og 176 m lægstu hæð Þingvallamegin...

Stóra gps-úrið sýndi minni vegalengd... og önnur gps-tæki sýndu meiri og minni vegalengdir...

Fremstu menn gengu fram á lokakaflanum...
en hann hitti þennan íslenska dreng sem var að dóla sér sömu leið og við... og vantaði far til baka að ná í bílinn sinn...
hann var heppinn að hafa hitt á Agnar en þeir tóku spjall saman sem endaði með því að Agnar skutlaði honum til Þingvalla...

Við viðruðum daginn saman og teygðum okkur aðeins áður en við fórum heim...

... allir alsælir og ánægðir með afrek dagsins...

Batman var dauðfeginn að komast á teppið sitt í Toppfarabílnum...

Sjá plastpokana sem kvenþjálfarinn var í ofan í skónum sínum... hún var skraufþurr eftir daginn...

Þar sem gangan var fram og til baka sömu leið verður sniðið samhverft...
þar sem pásan við Svartagil á Þingvöllum er lægsti punkturinn á leiðinni í miðjunni...
sem sýnir þá vel hvernig við lækkuðum okkur úr efsta punkti á Leggjabrjótsleiðinni niður í Svartagil...
og hækkuðum okkur svo aftur til baka og svo niður í Botnsdal í Hvalfirði aftur...

Leiðin á korti... sama leið nokkurn veginn...
frávikin eru annars vegar þar sem farið var aðeins ofar til að sniðganga drulluna niður að Svartagili
og svo þar sem farið var yfir Súluá neðar í bakaleiðinni...

Afreksganga...
... ansi sætur sigur og dýrmæt staðfesting á því að við getum farið Laugaveginn á einum degi í júní ! :-)

Sjá slóðina á wikiloc:
https://www.wikiloc.com/wikiloc/spatialArtifacts.do?event=setCurrentSpatialArtifact&id=49732285

Sjá myndbandið um ferðina á Youtube:
https://www.youtube.com/watch?v=COoOFF1uk1I