Tindur 16 - Tröllakirkja í Hítardal 11. október 2008


Tröllakirkja í Hítardal
Í blíðskaparveðri á vetrarslóð...

Þrettán Toppfarar létu ekki deigan síga í fárviðri manna og gengu á sextánda tindinn undir leiðsögn Jóns Gauta fjallaleiðsögumanns  laugardaginn 11. október:

Irma, Þorbjörg, Kristín Gunda, Örn, Ingi, Guðjón Pétur, Ragna, Bjarni, og Roar.
Helga Björns., Íris Ósk, Margrét Gróa og Halldóra Ásgeirs.

Veðrið var milt, lygnt og hlýnaði þegar leið á daginn eða N6, 2°C og hálfskýjað með þokuslæðingi efst.
Vetur ríkti ofar hlíða og umkringdi snjólínan efstu fjallatinda á svæðinu með tignarlegri sýn í glæsilegan fjallasal Hítardals.

Lagt var af stað kl. 9:27 í mildu veðri með snjólínu í fjöllum allt um kring en auða jörð neðar.
Gengið var inn Þórarinsdal í austur sunnan Smjörhnúka en Jón Gauti taldi ekki ráðlagt að ganga á þá að Tröllakirkju þar sem hálka var ofar og klettaklifur ekki öruggt að sinni.

 

Þegar ofar dró tók snjórinn við og þokan lagðist um leiðangursmenn.

Grjótið orðið hált og golan kaldari en færið enn gott.

Gengið var að skarði milli Smjörhnúka og Tröllakirkju og áð í rúmlega 700 m hæð  þar en framundan var Tröllakirkjan sjálf í norðaustri.
Stelpurnar sætu á Tröllakirkju...

Íris Ósk, Þorbjörg, Kristín Gunda, Helga Björns., og Margrét Gróa.

og neðar

Irma, Ragna og Halldóra Björns.

Strákarnir sterku á tröllakirkju...

Bjarni, Örn, Roar

og neðar

Jón gauti, Ingi og Guðjón Pétur.

Áfram var gengið á tindinn í hálu en ágætis snjófæri og var þetta tiltölulega áreynslulítið og ekkert klöngur.

Tindinum var náð eftir tæplega 6 km göngu á tæplega 3 klst. göngu.

Gps. þjálfara mældu þetta 951 m og 953 m hátt svo þar var ágætis samræmi en yfirleitt er hún skrifuð
939 m há.

Þoka skyggði að mestu á útsýni sem þó gafst öðru hvoru í skýjagluggum.

Rösklega svo gengið til baka...

Gönguhraðinn bara sést á myndinni...

Smjörhnúkarnir hrikalegu sem bíða okkar næsta sumar er það ekki?

Hítarvatn lengra í burtu.

 

Kuldinn og vindurinn sem beit aðeins efst var ekki til staðar neðar og smám saman hlýnaði og menn urðu léttklæddari er leið á niðurgönguna.

Jón Gauti kannaði færið niður þessa brekku svona áður en allir lögðu í hann..

Jú þetta var í lagi...

...og strollan fylgdi á eftir...

 

Fjallasýnin mögnuð með snjólínuna um alla fjalltoppa umhverfis og synd að skyggnið sem svo gafst skyldi ekki vera til staðar þegar hópurinn hafði toppað fyrr um daginn.


Hei... lítið við...
Fljótlega sleppti snjónum og við tók grjót og mosi og þægileg ganga Hítarvatnsmegin við Smjörhnúkana.
Fallegir voru tindar Hítardals og svæðið allt alger náttúruperla sem vert er að heimsækja aftur.

Nafn þessa tinds vafðist fyrir leiðangursmönnum.

Ekki eru þetta Grafheiðartindar...?

 

Heimförin gekk vel, áð var í Borgarnesi og fengið sér pylsu eða kaffi og menn sáu eftir því að hafa ekki tekið sundótið með sér og skellt sér í laugina í Borgarnesi...

Heimkoma upp úr sex í Ártúni... allir sælir sem mættu og menn sammála því að á þessum tímum var einstaklega gott að komast út og eyða degi meðal fjalla án efnahagsumræðu og annarra áhyggjuefna...

 

Gengið var í 5:31 klst. á 12,5 km leið upp í 951 m hæð með 631 m hækkun og voru allir mættir endurnærðir eftir þægilega göngu í frískandi umhverfi og góðum félagsskap eftir erfiða viku...



Hált vetrarfærið gaf ekki færi á að ganga hrikalegu
Smjörhnúkana að Tröllakirkju svo þjálfarar hafa nú ákveðið að Smjörhnúkar Hítardals verði tindur júlímánaðar 2009...
Sjá slóðina þenna dag skv. gps. og hækkunina.

Sjá allar myndir af ferðinni á www.picasaweb.google.com/Toppfarar

 

  

Við erum á toppnum... hvar ert þú?
www.toppfarar.is


Toppfarar ehf - Viðarrima 52 - 112 Reykjavík - Kt: 581007-2210 - Sími: +354-867-4000 / -899-8185 / -588-5277 - Netfang: bara(hjá)toppfarar.is
Copyright: Höfundarréttur: Bára Agnes Ketilsdóttir