Lágafell í roki og smá rigningu
og engir hamrar í ár

Hin hefðbundna Lágafellsganga frá Lágafellslaug um Lágafellshamra niður af Úlfarsfelli endaði frekar óhefðbundin og róleg að sinni þar sem þjálfara voru tímabundnir vegna persónulegra ástæðna og veðrið var ekki upp á sitt besta... hvert illviðrið rekur nú annað um jólahátíðina og milli jóla og nýárs svo ekki á að lægja fyrr en kvöldið fyrir gamlársdag...

... vindurinn var slíkur að það náðist engin almennileg mynd af fallegu jólakrossunum í kirkjugarðinum í Lágafelli...

... en það var smá skjól á fellinu og þar náðist þessi... sem er samt ekki góð...
sárvantaði snjóinn því hann gefur svo fallega birtu... myrkrið er skelfilegt í svona auðu færi...

Mættir voru 10 manns eða þau Örn, Svavar, Ólafur Vignir, Súsanna, Gerður jens., Katrín Kj., Guðmundur Jón og Steingrímur en Bára tókj mynd og Batman ljómaði af kæti að fá loksins fjallgöngu eftir að hafa verið út í bíl allan síðasta þriðjudag meðan hópurinn var í badmintontímanum... hundurinn sá ekkert ánægður með þetta jaðaríþróttavesen á þjálfurum... fjallganga er best... og já... maður finnur það þegar maður dettur út, hvað það er gott að mæta í göngu... og vont að missa mikið úr.... líkaminn dettur fljótt úr formi... og sálin líka einvhern veginn... og þessi ósjálfræðni með að pakka niður í bakpokann og græja búnaðinn... en maður er líka fljótur að koma sér aftur í gírinn... ! :-)

... besta leiðin til að vera í formi er að detta aldrei úr formi...

... um leið og maður hættir að gera þá hættir maður að geta...

... ekki gera ekki neitt...

Já, svo satt... ef maður hefur ekki tíma eða ráðrúm að gera samt alltaf eitthvað, frekar en ekkert !

Alls 5,5, km á 1:19 klst. upp í 165 m hæð með alls hækkun upp á 53 m miðað við 110 m upphafshæð
...um allt Lágafellið og utan í Úlfarsfelli meðfram skóginum á hitaveitustokknum og loks að lauginni aftur... flott að ná þá þessu þó það væri sárt að fara ekki brekkuna sem hefur bókstaflega aldrei klikkað öll þessi ár í alls kyns veðrum og færi :-)

En við örvæntum eigi... því þessi æfing er á dagskrá 17. október 2017...
og þá ætlum við öfuga leið og byrja á brekkunni upp...
og taka smá skák á tindinum til minningar um Grunnbúðir Everest 2014 :-)
 

Vá hvað það var gaman
í badminton !

Sá yngsti 10 ára og sá elsti 77 ára og allt þar á milli... sumir að prófa í fyrsta sinn og aðrir að rifja upp gamla takta
en ót´rulega margir í klúbbnum ahfa stundað þessa íþrótt einhvern tíma á ævinni...
og það er öfundsvert því þetta er frábær íþrótt...

Við fengum úthlutan tveimur völlum í boði staðarhaldlara þar sem þetta var til heiðurs jhöfðingjum Toppfara, þeim Katli heitnum og Birni Matt sem æfðu hér badminton saman... og þar sem laust var á þriðja vellinum á nýttum við hann líka þar sem við vorum tíu manns mætt og allir til í að keppa :-)

Björn gaf keppnistóninn og það var ekkert gefið eftir... menn hentu sér í gólfið ef þurfti... Súsanna var með stóran marblett á handleggnum eftir kvöldið... og Jóhönnu Fríðu tókst að slíta líklega vöðva í miðjum leik... haltraði út af og gat ekker tspilað eftir það... úff, þetta var greinilega hættulegra en fjallganga ! :-)

Ótrúlega gaman að prófa þetta og spila hvort sem maður er alger byrjandi eða búinn að prófa nokkrum sinnum...
og alltaf skal maður lofa sér að koma oftar... helst einu sinni í mánuði eða einu sinni í viku... og hugsr alltaf alvarlega hvort maður eigi að festa einn völl á viku...

Björn Matt., Guðmundur Viðir, Kolbrún, Svavar, Örn, Bára, hilmir 11 ára.
Emelía 10 ára, Súsanna og Jóhanna Fríða...

Takk fyrir frábært kvöld...
þetta var geðveikt gaman eins og þeir segja !

Björn afreksmaður... hér er bréf þjálfara til TBR þegar við pöntuðum völlinn:

Við gerum þetta að ári ekki spurning í desember kringum afmæli þeirra Björns og Ketils...
komið á dagskrána 2017 !

Hér má sjá góðar upplýsingar á vefsíðu badmintonmanna:

http://www.badminton.is/media/files/BSI_handbok%202011%20vefupplausn.pdf

www.tbr.is  / www.badminton.is
 

Sex manns mættu í hörkugöngu upp á flotta hrygginn Geithól þriðjudaginn 13. desember með viðkomu á bungunni Rauðhóli
í mun betra veðri en áhorfðist enn einu sinni... hlýtt var niðri en frekar kalt uppi...
vindurinn mun minni en í bænum... og færið eins og að sumri sem einkennir þetta misserið...

Alls 7,4 km á 2:28 klst. upp í 546 m hæð með alls hækkun upp á 574 m miðað við 16 m upphafshæð.

Síðasta æfingin fyrir jól er svo jaðaríþróttaæfing í badminton í TBR húsinu við Glæsibæ þar sem við prófum þessa innanhússíþrótt til heiðurs höfðingjum Toppfara sem báðir stunduðu hana saman hér áður fyrr meðfram hlaupum og fjallgöngum og fleiri íþróttum... hefðbundin Lágafellsganga milli jóla og nýárs... Esjuganga á nýársdag með Gylfa og Birni ef að líkum lætur... og árið 2017 byrjar með stæl á Blákolli við Hafnarfjall en þar með hefst 10 ára afmælisárið þar sem við lítum yfir farinn veg... og förum léttar og erfiðar fjallgöngur til skiptis á árinu :-)
 

Jólaganga á Úlfarsfell

Hún var fyrr en venjulega okkar árlega jólagleðiganga á Úlfarsfell þriðjudaginn 6. desember
þar sem badminton fær síðasta þriðjudaginn fyrir jól þann tuttugasta...
og þjálfarar urðu að breyta dagskránni út af vinnu...

Ekkert sérlega jólalegt... nema ef vera skyldi grenitrén í upphafi göngunnar...
frekar eins og vor í  lofti... hlýtt og jörð auð...
en enginn að kvarta... þetta er dásamlegt og snjórinn eflaust eftir að setja svip sinn á veturinn eftir áramót...

Útsýnið yfir borgina alltaf jafn tilkomumikið og veðrið dásamlegt þetta kvöld...

Gengið var rá skógræktinni og úr því veðrið var svona gott og eina barnið mætt í gönguna var hann Einir 12 ára... var afráðið að taka alla tindana á fjallinu og gengið um nýjan stíg sem við höfum ekki farið á áður... sem liggur frá skógræktinni skásniðinn utan í vesturhlíðum að Vesturtindi... æj, gleymdi að taka mynd af góða skiltinu með kennileitum og örnefnum á fjallinu... svona til að hafa nöfnin rétt en vera ekki alltaf að nota okkar nafngiftir :-)

Mættir 14 manns...
Jóhannes R., Örn, Rósa, Ólafur Vignir, Guðmundur Jón, Svavar.
Erna, Karen Rut og Einir 12 ára, Katrín Kj., Steingrímur, Pálín Ósk, Súsanna, Anna Sigga
og Bára tók mynd og Batman var mjög ánlægður að ahfa hana Töru með en ekkin bara þetta mannfólk :-)

Barn göngunnar... Einir 12 ára sonur Karenar Rutar... fótboltamaður hjá Breiðabliki en í smá pásu enda alltaf úti að leika...
hann var í toppformi og lék sér að þessu með bros á vör, þó ansi hvasst hafi verið uppi og mótvindur beint í fangið...
flottur drengur á ferð...

Aldrei komið svona fá börn í þessa göngu áður heldur ritari... en það er okkur þjálfurum að kenna...
við lögðum ekki nægilega áherzlu á að koma með þessi yndi með...
gerum það næst, því þetta er ótrúlega góð samvera svona mitt á aðventunni :-)

Alls 4,3 km á 1:30 klst. upp í 300 m hæð með alls hækkun upp á 276 m miðað við 59 m upphafshæð.

Rauðhóll og Geithóll á Esjunni næsta þriðjudag, fremur löng og ágætlega strembin ganga
við útidyrnar okkar... ekki spurning að mæta... og svo er það síðasta jaðaríþrótt ársins... badminton til heiðurs höfðingjunum okkar tveimur sem stunduðu badminton á áttræðisaldri þar til Ketill lést árið 2014... til viðbótar því að ganga á fjöll og skokka og fleira sem þessir afreksmenn gerðu... okkur hinum til eftirbreytni,... eins og að ganga á Kilimanjaro og hlaupa heilt maraþon á 70 ára afmælisárinu... og við ætlum að reyna að gera líka einhver okkar í klúbbnum :-)
 

Jólasnjór á Akrafjalli
í árlegu aðventugöngunni á Háahnúk
og jólakakóinu hjá englunum á Skaganum

Hin árlega aðventuganga á Háahnúk var farin þriðjudaginn 29. nóvember...

... þar sem farið var hefðbundna leið um stíginn í nettum bratta í klettabeltinu sem getur verið varasamt...

... en var fínt í sumarfærinu sem nú ríkir á þessu metári í hita mánuðum saman...

... en sumarfærðið réð eingöngu ríkjum neðar í hlíðum...

... því þegar ofar dró tók snjórinn við...

... en með snjókomunni kom jólaandinn sem hvorki bleyta, kuldi né lélegt skyggni bitu á...

... gleðin áfram við völd og bros á hverju andliti... þetta er ótrúlega gaman sama hvað...

Keðjubroddarnir fínir við þessar aðstæður og þeim var kippt undir skóna á uppleiðinni
eða í síðasta lagi á tindinum...

Á tindinum var sungið jólalag og stemningin var notaleg...

Frábær mæting í þessa göngu einsog reyndar almennt á æfingu þessa þriðjudaga síðustu vikurnar
alls 17 manns eða þau Arna, Erna, Gerður jens., Guðmundur Jón, Gunnar, Heiðrún, Ingi, Jóhannes, Jón Tryggvi, Karen Rut, Katrín Kj., Ólafur Vignir, Sarah, Steingrímur, Súsanna, Svavar og Örn og Batman og Tara skoppuðu með en Bára var að vinna eins og ansi oft þessar vikurnar því miður... það er nefnilega ekki gott að missa mikið úr !

Niðurleiðin var sömu leið... skyggnið mun betra með snjóinn yfir öllu...
sjá Akraneskaupstað í fjarska appelsínugulan...

...  áfram snjókoma ofar en það hitnaði aftur með lækkuninni...

... og smám saman létti til...

... með sumarfærinu sem tók við neðst þar sem fara þurfti varlega í klettunum...

Aðventukakóið hjá Inga og Heiðrúnu var noalegt eins og alltaf að lokinni göngu...
hafi þau hjartansþakkir fyrir ljúfu gestrisnina sína enn og aftur...

Alls 5,1 km á 2:12 klst. upp í 563 m hæð með alls hækkun upp á 505 m miðað við 67 m upphafshæð...

Jólalegt um Búrfellsgjá

Þó stutt sé og saklaus þá var kvöldgangan um Búrfellsgjána í Heiðmörk... með snjóinn yfir öllu... friðsælu veðriðu... himninum gulum af borgarljósum... stjörnubjörtum himninum hvolfandi yfir gígbotninum... já, þá var hún dásamleg útivera enn einu sinni... þriðjudaginn 22. nóvember... þar sem 21 manns mættu... sem undirstrikar að þó klúbbmeðlimir vilji eindregið fá krefjandi og framandi kvöldgöngur þá sé það þakklátt að fá inni á milli notalegar göngur þar sem allir fá notið sín...

Gengin var hefðbundin leið með brakandi ferskan snjóinn yfir öllu...
næstum því það hált að keðjubroddana þurfti en þó ekki...

... og upp gígbarminn hringinn í kring með borgarljósin í fjarska en samt svo nálægt...

Mikið spjallað og margir í hópnum á leið í spennandi ferðir á næsta ári...
þeirra hæst standa Perúferðin með Ágústi og Mont Blanc ferðin með þjálfurum...
en fleiri eiga eflaust eftir að bætast við...

Það er eitthvað við þessar myrkurgöngur... kyrrð og friðsæld... og um leið ögrandi áskorun... vel þegin og kærkomin útivera...

Alls 6,0 km á 1:47 klst. upp í 184 m hæð með alls hækkun upp á 182 m miðað við 114 m upphafshæð.

Golf og ganga
frá Grafarvogslaug kringum Reynisvatn
um Reynisvatnsheiði yfir Grafarholtsgolfvöll
Næst skulum við auðvitað gera þetta á fjalli !
... eða taka alvöru hring á velli að sumri :-)

Okkar árlega sundlaugarganga í nóvember... þar sem gengið er frá sundlaug út úr borginni... kringum stöðuvatn í nágrenni borgarinnar... og upp á hóla, hæðir eða fell sem á leiðinni verða... var þriðjudaginn 15. nóvember... og í þetta sinn bættum við jaðaríþróttinni golf við allt saman... og tókum eina sveiflu á æfingagolfvellinum í Grafarholti þar sem við fórum framhjá honum á leið inn í Grafarvog aftur :-)

Mættir voru ellefu manns... hvílíkir snillingar sem þetta fólk er... mætandi sama hvernig veðrið er... þjálfarar hætta aldrei að dást að klúbbfélögum sínum þó árin líði... já, það er alltaf jafn stórmerkilegt hversu margir mæta þó úti sé bylur og spáin slæm...
það gekk á með hryðjum... en eins og svo oft áður þá var veðrið langtum betra en spáð var og áhorfðist þegar við keyrðum á staðinn...

Jón Tryggvi, Arnar, Ólafur Vignir, Rósa, Örn, Katrín Kj., Guðmundur Jón, Erna, Sarah, Guðrún Helga
og Bára tók mynd með Batman þarna einhvers staðar að ærast úr lyktum um allt af alls kyns nýjum hundum sem hann hafði aldrei þefað eftir áður í lífi sínu :-)

Gengið var rösklega þetta kvöld enda rúmir 12 km þegar yfir lauk... frá lauginni niður með malarveginum við Iðntæknisstofnun
um góðu stígana inn í Grafarholtið sem ná alla leið upp að Reynisvatni... alger snilld og oft nýttir af þjálfurum á löngum hlaupaæfingum sem og fjölda hlaupara og göngumanna í úthverfunum...

Útivistarparadísin er mikil við Reynisvatn... sem skipulagsyfirvöld í Reykjavík hafa vonandi vit á að varðveita.... en börn í Grafarholtinu heimsóttu borgarstjóra um daginn og mótmæltu fallega fyrirhuguðum byggingaframkvæmdum við vatnið... og fengu loforð um að svæðið yrði varðveitt áfram sem útivistarparadís...

Friðsæld og fegurð fylgir kærkomnum snjónum... með honum hverfur sortinn sem fylgir skammdeginu... og í staðinn erum við komin með hvíta jörð sem er svo björt að við kveiktum aldrei á höfuðljósunum þessa gönguna þrátt fyrir að fara lengst upp eftir úr byggð... um stíga sem þjálfarar vissu ekki einu sinni um... Jón Tryggvi heimamaður á svæðinu lóðsaði okkur um mun stærri hring en ætlunin var... því heiðarnar hringinn kringum reynisvatn voru á áætlun.... og að koma niður þær við miðjan golfvöllinn þar sem ljósastaurarnir voru var ætlunin... en við enduðum á að fara mun lengra inn eftir og þaðan til baka... græddum heila tvo kílómetra á þessu sem var auðvitað stórgróði :-)

Í bakaleiðinni var þvígengið meðfram golfvellinum sem liggur niður með Grafarholtinu með íbúðahverfið á hægri hönd... snilldarhönnun þar á ferð... og þar sem við gengum trjágöngin niður af golfsvæðinu... stukkum við eitt andartak inn á æfingavöllinn sem liggur austan megin við Bása sem hér eru upplýstir (þar sem menn æfa að slá kúlur endalaust út á upplýsta svæðið þarna til að æfa sveifluna)... og vanasti golfarinn í hópnum... Jón Tryggvi tók góða sveiflu frá teig eitt minnir mig... hvíta kúlu sem þjálfari kom með... fattaði ekkert að koma með appelsínugula... og hún var látin standa þar sem hún lenti í hvítum snjónum... það vvar ekki veður né aðstæður til að leika meira golf að sinni... en næst skulum við taka þetta alla leið og taka eina holu saman á fjalli... heimagerða holu í snjónum með göngustaf sem stöng... eða taka bara alvöru hring á æfingavellinum eitt þriðjudagskvöld og fá þannig að kynnast þessari skemmtilegu íþrótt af alvöru... auðvitað, bara gaman :-)

Batman vildi vera með í golfinu og var ekki lengi að bíta í kúluna...
en skildi að þetta var ekki leikur fyrir hann og kom sér loksins út af vellinum... :-)

Já, komdu hérna Batman ! :-)

Alls 12,1 km á 2:27 klst. upp í 134 m hæð með alls hækkun upp á 310 m miðað við 46 m upphafshæð
en við fórum heilmikið upp og niður þetta kvöld :-)

Hörkuganga sem reyndi lumskt mikið á þar sem gengið var rösklega og allt of mikið á jafnsléttu og malbiki svo liðirnir kvörtuðu hjá okkur sumum... já, merkilegt, þetta var einmitt reynslan af sundlaugargöngunum hér um árið... þessi frá Garðabæjarlauginni upp á Urriðaholtsheiðarnar var t. d. mjög erfið... segir hvað fjallgöngur í óbyggðum eru greinilega miklu hollari en einhæf ganga á malbiki...
 

Sumarlegt á Esjunni
í mildu veðri og færi

Þrettán manns mættu á Rauðhól og Geithól í Esjunni þriðjudaginn 8. nóvember um mjög skemmtilega leið sem leynir á sér... veðrið og færið með sumarlegasta móti þó nokkrir rigningardropar féllu reyndar í byrjun.. Mont Blanc í umræðunni og uppselt orðið á Tindinn sjálfan en nokkrir búnir að staðfesta Hringinn kringum Fjallið Hvíta... snúið var við á miðri leið þar sem Rósu leið ekki vel og afráðið að ná þessari leið síðar í vetur :-)

Alls 2,9 km á 1:12 klst. upp í 274 m hæð með alls hækkun upp á 263 m miðað við 16 m upphafshæð.

Óvenjuleg æfing næsta þriðjudag... létt en löng... og leynir því á sér... okkar árlega sundlaugarganga þar sem gengið er frá sundlaug út úr borginni, upp fjöll, fell, hóla eða heiðar og kringum vatn við borgarmörkin... að þessu sinni um Reynisvatnsheiði kringum Reynisvatn frá Grafarvogslaug... þar sem svo heppilega vill til að golfvöllur er í bakaleiðinni... en golf er einmitt jaðaríþrótt nóvembermánaðar og því skulum við öll taka eina sveiflu eða eitt pútt í leiðinni...
þjálfarar koma með kylfur og kúlur ! ... bara gaman og vá hvað við skulu hlæja og hafa gaman af þessu :-)
 

Hörkuframmistaða á Smáþúfum
í Blikdal Esjunnar

Súsanna, Arna, Heiðrún, Hlöðver, Gerður, Guðný Ester, Ingi, Örn, Steingrímur, Ólafur Vignir, Svavar, Erna, Anna Sigga, Katrín Kj., Ágúst, Guðmundur, Bára og Batman mættu á æfingu þriðjudaginn 1. nóvember...

... og gengu hefðbundna leið upp á Smáþúfur með viðkomu á Arnarhamri í Blikdal Esjunnar...

... með fjallstindana fannhvíta allt í kring en autt færi nánast alla leið upp og sumarlogn til að byrja með...

Dagsbirtan enn við völd í byrjun æfingarinnar en rökkrið mætt á svæðið og myrkrið tók fljótlega við...

Borgin geislaði í fjarska og skýin lágu yfir öllu svo enga birtu var að fá að ofan...

... en höfuðljósin eru orðin svo sterk að það er eins og við séum inni í stofu orðið á göngu þessi misserin
þökk sé Gylfa Toppfara sem hefur séð flestum klúbbmeðlimum fyrir sífellt sterkari ljósum gegnum árin... :-)

Alls 7,1 km á 2:41 klst. upp í 601 m hæð með alls hækkun upp á 571 m miðað við 54 m upphafshæð.

Tvíhnúkar og Hafursfell á laugardaginn ef veður leyfir og spáin er góð...
en hún endaði á að versna á Snæfellsnesinu þegar kom fram á föstudag og við fórum í sumarveðri og auðu færi en því miður þoku efst upp á Hróarstinda þessa komandi helgi... fyrstu tindferð af átta til undirbúnings fyrir Tindinn eða Hringinn á hæsta fjalli Vestur-Evróðu... Mont Blanc í júní 2017 :-)
 

Ljúft og gott í Mosó
á Æsustaðafjalli og Reykjafelli

Eftir kröftugan könnunarleiðangur um Kúludal Akrafjalls í síðustu viku var ansi ljúft að fara notalega göngu um fjöllin við Skammadal Mosfellssveitarinnar þriðjudaginn 26. október...

... þar sem gengið var á Æsustaðafjall og Reykjafell í ágætis veðri og mun skárra en veðurútlit sagði til um
smá rigningu og vindi en auðu færi og ljósaskiptum sem nú minna á að myrkrið er komið til að vera meira og minna á þriðjudögum fram yfir áramót...

Lilja H., Soffía Jóna, Heiðrún, Anna Sigga, Jóhannes, Ingi, Sóley, Ólafur Vignir, Svavar, Súsanna og Örn tók mynd
en Batman var þarna einhvers staðar og Bára að vinna :-)

Soffía Jóna og Anna Sigga að koma eftir hlé og Sóley að koma inn í hópinn
svo það er góður fengur í Toppförum þessa dagana :-)

Alls 5,7 km á 1:49 klst. upp í 229 m á Æsustaðafjalli og 274 m á Reykjafelli
með alls hækkun up á 287 m miðað við 107 m upphafshæð :-)

Smáþúfur Blikdal á dagskrá eftir viku sem er erfiðari ganga en svona verður næsta ár...
létt og erfitt til skiptir nokkurn veginn svo allir fái göngu sem hentar, nýliðar, lengra komnir og þeir sem koma eftir hlé...
það er nefnilega líka gott að taka rólega og stutta göngu á milli þess sem þessar löngu krefjandi gefa manni svo mikið :-)
 

Hörku könnunarleiðangur
um grýttan og brattan Kúludal á Akrafjalli
upp á Jókubungu í blindaþoku en ljúfu veðri

Svavar, Ingi, Heiðrún, María, Gerður Jens., Guðrún Helga, Örn, Karen Rut, Sarah, Guðný Ester, Arnar, Lilja H., Olga Sig., Arna
og Bára tók mynd með Batman skoppandi af óþolinmæði að komast loksins af stað...

Æfingin þriðjudaginn 18. október var erfið og löng um nýjar slóðir á Akrafjalli...

... þar sem fimmtán manns könnuðu ókunnar slóðir um leyndan dal sem skorast inn í fjallið að sunnan...

Farið var inn með dalnum og í fyrst ætlunin að þræða með brúnunum að vestan...

... en þegar þokan slæddist inn á fjallið
leist þjálfurum ekki nógu vel á tilraunakennda uppgönguleið í grýttum brattanum...

... og völdu frekar að leita innar í dalinn...

... sem koma á óvart sakir dýptar og mikilfengleika...

... og bauð upp á aðeins saklausari uppgönguleið hér vinstra megin...

Brattinn og grýtið var verkefni þessa kvölds...

... en lygnt, hlýtt og úrkomulaust...

...svo við gátum leyft okkur að þvælast þetta í ljósaskiptunum...

Kúludalsáin tók af okkur loforð um að koma aftur í þennan dal í snöggtum meira sumri og birtu næst...

Þokan læddist niður með brúnunum og læsti loks klónum alveg í okkur þarna uppi...

... svo skyggni var lítið og ansi dulúðugt í myrkrinu sem tók við á heiðinni...

... en töfrarnir til staðar einmitt vegna þessa...

... og dýrmætur lærdómurinn af því að ganga í myrkri og þoku...

... mjög slæmu skyggni þar sem kennileiti voru bókstaflega engin nema nánasta umhverfi
og gps það eina sem tryggði rétta leið...

Það er eitthvað við þessar myrkurgöngur...

... og það er okkar reynsla að stundum einfalda þær heiminn fyrir manni á göngu
og þar með leiðarval eins og þegar farið var niður með allri ánni...

... leið sem við hefðum líklegast fljótlega gefist upp á í skyggni og drifið okkur upp í brekkurnar
en var svo heppilegt svona í myrkrinu...

Hörkugönguleið sem tók verulega á... grýtið og brattinn án efa setið eitthvað í mönnum daginn eftir... en til þess eru þriðjudagsgöngurnar... þetta er líkamsrækt Toppfara sem vilja æfa vel sama hvaða árstími er í gangi... og sem nú veltir því líklegast margur fyrir sér hvort hann vilji fara í Mont Blanc ferðina miklu árið 2017 og Kilimanjaro ferðina 2018...

Leiðin okkar þetta kvöld... sjá hvernig Suðurgilið var að villa um fyrir þjálfurum sem skildu ekkert í því hvaða brekka og gil þetta var í þokunni á leið um heiðina á Jókubungu... þá var gott að vera með gps og geta horft á hæðarlínurnar og séð að þetta var gil á miðju fjalli en ekki Merkjagilið sem er suðaustar eins og Bára dró ályktun um fyrst því hún vissi að það væri eitthvað smá gil að skerast inn sunnan megin... svona reynir heilinn stöðugt að samsama það sem hann sér við það sem hann veit og er fljótur að ákveða að þessi hóll sé sá sami og síðast... þegar hann er það kannski alls ekki :-)

Nokkrar af göngum Toppfara á Akrafjall... gula slóðin slóð kvöldsins 2016, skærbláa fyrsta þriðjudag 2013, dökkbláa um Kjalardal á hæsta tind, Geirmundartind  2014, græna um Pytta á Geirmundartind 2010, rauða árlega aðventuganganá Háahnúk um Tæpigötu 2012 og bleika hringleið í janúartindferð í blindaþoku allan tímann 3. janúar 2009...

...og þá er ótalin hringleiðin um fjallið á alla tinda milli jóla og nýárs 2007 þar sem þessi mynd var tekin
en þarna náðust þessir einstöku töfrar á dimmasta tíma ársins þegar sólin rétt kíkir upp á yfirborðið og slær roðagullnum geislum sínum um öll fjöll... árstími sem innifelur líklega allra sérstökustu töfrana að mati þjálfara...

Þarna vorum við að ganga í þokunni þetta kvöld...

Ásýnd Akrafjalls er  langfegurst frá Akranesbænum sjálfum... fallegasta gönguleiðin á Akrafjall að mati þjálfara er um Kjalardal á Geirmundartind og sú næstskemmtilegasta um Pytta á Geirmundartind... en Ingaslóðir á nösina á leið niður af Háahnúk sem við fórum í sumar er líka ein sú flottasta sem gefst á fjalli við Reykjavík þar sem þessi mynd var tekin

... svo Akrafjall er sannarlega óþrjótandi... en p.s.... við verðum að viðurkenna að Austurtindur er sísta leiðin... en fínasta myrkurganga að vetri til þar sem leiðin er örugg og afglíðandi alla leiðina og hvergi hætta á að villast eða afvegaleiðast um björg og hamra :-)

Frábær kvöldganga sem jafnast að mörgu leyti á við dagsgöngu hvað varðar erfiðleikastig... og þar með gæði þjálfunar
þar sem grýtið, brattinn og tímalengdin var krefjandi alla leið.... og Kúludalur kallar sannarlega á að vera skoðaður betur síðar!
 

Í slagviðri
um Djúpavatnskamba og fjörur

Það var ótrúlega góð mæting á þriðjudagsæfingu 11. október þegar afgangurinn af fellibylnum Matheusi gekk yfir Ísland með slegnum metum í rigningarmagni dögum saman og hávaðaroki... eða alls 11 manns :-)

Ágúst, Katrín Kj., Guðmundur Jón, Erna, Björn Matt., Sarah, Súsanna, Ester, Svavar, Örn og Batman
en Bára tók mynd.

Ætlunin var að ná brúnunum sem varða Djúpavatn að austan og eru nafnlausar... sem og Traðarfjöllin sem rísa lág og hógvær sunnar... í safnið þar sem nánast öll önnur fjöll á Reykjanesi eru komin þegar gengin í klúbbnum... en við enduðum á að ganga eingöngu upp á þennan kamb þarna framundan (og reyndar þennan nafnlausa gíg hér undir myndatökumanninum)... og ákváðum að nefna hann Djúpavatnskamb eins og Svavar kallaði hann frekar en Djúpavatnsbrúnir því það er meira réttnefni :-)

Eftir að hafa nánast skriðið upp á alsaklausan gíg sem varð á vegi okkar í upphafi ferðar... sáum við að frekari fjallgöngur voru ekki í boði í þessu veðri... og ákváðum að sjá hvort við gætum gengið eitthvað í skjóli meðfram Djúpavatni... en komumst lítið áleiðis þar sem það er snarbratt niður af kömbunum ofan í vatnið... sem lét eins og stórsjór úti á Atlandshafi í hraglandanum... svo við enduðum á að klífa bara upp á kambinn í algeru skjóli... berjast með hiðarvindinn eftir honum öllum og niður megin... þar sem kvenþjálfarinn fékk þá hugmynd að kanna með möguleikann á að þræða sig með vesturfjörum vatnsins... en þær voru einnig engar í boði þegar að var komið... en við gátum skoðað myndarlega veiðikofann sem við höfum oft horft á ofan af Djúpavatnsbrúnum... og rigndi okkur bókstaflega þar niður þar sem við gleymdum okkur í Mont Blanc
og Kilimanjaro umræðum um framtíðargöngur Toppfara :-)

Svo við vorum öll orðin södd og vel blaut þegar við örkuðum til baka í bílana í rökkrinu...
og ansi sátt við að ná 3,8 km á 1:23 klst. upp í 279 m hæð með alls hækkun upp á 220 m miðað við 189 m upphafshæð
í þessum aðstæðum þegar menn þökkuðu bara fyrir að komast heim til sín eftir vinnudaginn.

Prestahnúkur á laugardaginn og veðurspáin glimrandi góð... en slagviðrin í vikunni ógna þeirri vegferð engu að síður...
 

Við erum á toppnum... hvar ert þú?
www.toppfarar.is

Toppfarar ehf - Viðarrima 52 - 112 Reykjavík - Kt: 581007-2210 - Sími: +354-867-4000 / -899-8185 / -588-5277 - Netfang: bara(hjá)toppfarar.is
Copyright: Höfundarréttur: Bára Agnes Ketilsdóttir